Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Senator Lýkın: Elimizdiń sóreleri sapasyz ónimderge tolyp tur

2020 jyldyń 24 qyrkúıek 2020 12:41

NUR-SULTAN. QazAqparat - Senator Andreı Lýkın otandyq taýarlardy akkredıtteý jáne sertıfıkattaý júıesin jaqsartý jóninde Premer-Mınıstrge depýtattyq saýal joldady, dep habarlaıdy QazAqparat tilshisi.

Depýtat keıbir qazaqstandyq ónim óndirýshiler sapasy tómen, paıdalaný qaýipti ónim shyǵaratynyn aıtady. Ol bir kompanııanyń teledıdarlar óndirisine «made in kz» sertıfıkat alǵanymen is júzinde daıyn tehnıkany satyp alǵany týraly mysal keltirdi. Aıtýynsha, «Ulttyq akkredıtteý ortalyǵy» JShS men akkredıtteýdegi 46 sýbektiniń tekserý qorytyndysy boıynsha uıymdarǵa 15 myńnan astam zańsyz sertıfıkat pen 1 700 deklaratsııa bergeni anyqtalǵan. Olardyń negizinde elge 11 mlrd teńgege jýyq somaǵa 600 myńnan astam taýar ákelingen.

«2019 jyly Almaty qalasynyń «Atameken» óńirlik kásipkerler palatasy «LG Elektronıks Almaty Qazaqstan» AQ-na 58 myń dana teledıdar daıyndaýǵa «CT-KZ» sertıfıkatyn berdi. Alaıda kompanııa Ońtústik Koreıada daıyn bólshekterdi satyp alyp, otandyq ónim retinde satyp kelgen», - deıdi depýtat.

Senator bul sertıfıkattar otandyq kásiporyndardy memlekettik qoldaý quraly retinde ákelinetin jınaqtardy kedendik bajdar men salyqtardy tóleýden bosatýǵa, memlekettik satyp alý kezinde qosymsha preferentsııalar men basymdylyqqa múmkindik beretinin atap ótti. Al kúmándi sapadaǵy taýarlar tutynýshylar men jalpy naryq úshin eleýli qaýip tóndiredi.

«Búgin de ishki naryqtyń jartysy qaýipti, sapasyz, onyń ishinde sertıfıkattalmaǵan ónimmen toltyrylyp, kúrdeli jaǵdaı qalyptasýda. Talapqa saı kelmeıtin ónimderdi ákelýge jol bermeý úshin Qazaqstannyń memlekettik baqylaý júıesi aldyn alý sharalaryn qoldanýǵa múmkindik bermeıdi. Ahýaldy jaǵdaıdy jaqsartý úshin qaǵaz qujat aınalymyn boldyrmaı, sáıkestikti rastaýdyń barlyq protsesterin tsıfrlandyrý kerek. Sondaı-aq akkredıtteý jónindegi jumystardyń barlyq kezeńin, akkredıtteý, sertıfıkattaý jáne tehnıkalyq retteý máseleleri boıynsha akkredıtteý sýbektileri men ózge de múddeli tulǵalardyń ótinishterin aıqyndaýdy jáne qadaǵalaýdy qamtamasyz etýge múmkindik beretin elektrondyq platformany ázirleý qajet», - deıdi Lýkın.


Joǵary qaraı