Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Senator qashyqtan oqytý máselesine qatysty Úkimetke saýal joldady

2020 jyldyń 17 qyrkúıek 2020 11:26

NUR-SULTAN. QazAqparat – Búgin Parlament Senatynyń jalpy otyrysynda depýtat Muhtar Qul-Muhammed qashyqtan oqytý kezinde týyndaǵan máselelerge qatysty depýtattyq saýal joldady, dep habarlaıdy QazAqparat tilshisi.

Úkimet basshysynyń atyna joldanǵan saýalda depýtat qashyqtan oqytýǵa qatysty ózekti máselelerge nazar aýdarǵan. Senator otandyq onlaın bilim berý platformalaryna ortaq kemshilik retinde olardyń jumys isteý jyldamdyǵynyń tómendigin aıtty.

Onyń sózine qaraǵanda, ınternet-trafıktiń dál sondaı kólemimen sheteldik onlaın resýrstar men qosymshalar anaǵurlym tez jumys isteıdi. Osyǵan oraı depýtat jańa onlaın bilim platformasyn ázirlegen kezde osy máseleniń eskerilgeni oryndy ekenin atap ótti.

Sondaı-aq, saýalda qashyqtan oqytý barysynda, ásirese, sheteldik qosymshalardy paıdalanǵan kezde balalardyń qaýipsizdigin qamtamasyz etý, jat beınejazbalardyń tarap ketpeýiniń aldyn alý, kezekshi synyptardy uıymdastyrý jáne bilim alý úderisine májbúrli túrde qatysa almaı otyrǵan az qamtylǵan otbasylar balalarynyń sanyna taldaý júrgizý jumystaryna basa mán berilgen.

Osy aıtylǵan máselelerdi eskere kele senator Memleket basshysynyń biryńǵaı bilim berý onlaın-platformasyn qurý týraly tapsyrmasy naqty qandaı merzimde iske asyrylatynyn surady.

«Onlaın bilim berý platformasyn qurýǵa múddeli memlekettik organdardyń ózara is-qımyly aıqyndaldy ma? Protsesti jyldamdatýǵa tehnıkalyq múmkindikter bar ma? Bul jumysqa bıýdjetten qosymsha shyǵyndar qarastyrylǵan ba? Qashyqtan oqytý aıasynda azamattardyń tegin orta bilim alýy úshin konstıtýtsııalyq kepildikter qamtamasyz etilgen be?», – dedi Muhtar Qul-Muhammed.

Sondaı-aq, saýal barysynda uzaq merzimdi qashyqtan oqytýdyń saldarynan bilim berý deńgeıiniń tómendeýimen baılanysty aldaǵy ýaqytta qandaı sharalar qolǵa alynatyny jáne ártúrli áleýmettik toptardaǵy bilim alýshylardyń arasyndaǵy bilim berý deńgeıiniń alshaqtyqtyǵyn azaıtý boıynsha Úkimettiń qandaı jospary bar ekeni suraldy.

Atalǵan depýtattyq saýalǵa QR Parlamenti Senaty tóraǵasynyń orynbasary Asqar Shákirov pen senator Muhtar Qul-Muhammed qol qoıdy.
Avtor Rýslan Ǵabbasov
Basty sózder: Bilim, Senat, Parlament,
Joǵary qaraı