Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Senat Jambylda mıneraldy tyńaıtqysh zaýytyn salý týraly kelisimdi ratıfıkatsııalady

2021 jyldyń 30 jeltoqsan 2021 11:18

NUR-SULTAN. QazAqparat – QR Parlamanet Senatynyń jalpy otyrysynda «QR Úkimeti men RF Úkimeti arasyndaǵy «Mıneraldyq tyńaıtqyshtar zaýytyn salý jáne paıdalaný» jobasyn iske asyrý týraly kelisimdi ratıfıkatsııalaý týraly» QR Zańynyń jobasy qabyldandy, dep habarlaıdy QazAqparat tilshisi.

Qujatty Senat ókilderine QR Indýstrııa jáne ınfraqurylymdyq damý mınıstri Beıbit Atamqulov tanystyrdy.

«Kelisim Jambyl oblysynda fosfat shıkiz mıneraldyq tyńaıtqyshtar men ilespe ındýstrııalyq ónimder shyǵarýǵa deıingi tolyq óndiristik tsıkli bar hımııalyq keshenniń qurylysy men paıdalanýyn qamtamasyz etetin qajetti ınvestıtsııalar jáne normatıvtik-quqyqtyq jaǵdaılar jasaýdy kózdeıdi. Jobany «Evrohımgrýpp» transulttyq ulttyq kompanııasynyń enshiles kásiporyny – Reseıdiń «Evrohım» kompanııasy iske asyrady. Jobany iske asyrý eki kezeńde júzege asady», - dedi Beıbit Atamqulov.

Aıtýynsha, jobanyń birinshi kezeń aıaqtalǵan. Taý-ken kesheni paıdalanýǵa berilip, onyń bazasynda jylyna 660 myń tonnaǵa deıin fosforıt óndirý jolǵa qoıylǵan.

«Qýaty jylyna 640 myń tonna ortasha usaqtaý jáne usaq untaqtaý toraby salyndy. Investıtsııa somasy 126 mln dollar boldy. Qazirgi tańda 550 jańa jumys orny ashyldy. Ekinshi kezeń óndiris qýaty jylyna keminde 1 mln tonna bolatyn mıneraldy tyńaıtqyshtar men ındýstrııalyq ónimder óndirý jónindegi hımııalyq ınnovatsııalyq keshen salýǵa baǵyttalǵan. Qazirgi ýaqytta Qazaqstandaǵy «Evrohım» kompanııalar toby ekinshi kezeńdi ozyq qarjylandyrý sheńberinde 137 mln dollar ınvestıtsııalady. 16 mlrd 700 mln teńge salyq tólendi. 24 dollar kóleminde óńirdiń ekonomıkalyq damýyna aýdarymdar túrinde tólendi», - dedi mınıstr.

Sondaı-aq, ol jobany iske asyrý Qazaqstan ekonomıkasyna tıgizetin oń áserin atady.

Olar:

- 1 mlrd dollardan kem emes tikeleı ınvestıtsııa tartý;

- Jańa jumys oryndaryn qurý. Onyń ishinde qurylys kezinde 2000-ǵa deıin jańa jumys oryndaryn paıdalaný arqyly keminde 1200 jańa jumys ornyn qurý;

- Eldiń jalpy ishki ónimin 5 jyl ishinde shamamen 2,2mlr dollaryna arttyrý;

- Eksport jáne eksporttyq túsim kólemin ulǵaıtý;

- ;Memleket bıýdjetine salyq túsimderin 200 mlrd teńgege ulǵaıtý

- Qaldyqsyz tehnologııa boıynsha qýaty jylyna keminde 1 mln tonna mıneraldyq tyńaıtqyshtar men ındýstrııalyq ónimder óndirisin uıymdastyrý;

- Jańatas jáne Qarataý monoqalalarynyń jedel damýyna yqpal etý;

- Mıneraldyq tyńaıtqyshtardyń ımportyn almastyrý.

Atalǵan kelisimdi ratıfıkatsııalaý týraly zań jobasyn qabyldaý týraly sheshimge daýys bergen depýtattar zańdy biraýyzdan qabyldady.


Joǵary qaraı