Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senat uıymdastyrǵan «Amanat» baıqaýy: QazAqparat tilshisi júldeli boldy

2021 jyldyń 25 maýsym 2021 13:53

NUR-SULTAN. QazAqparat –Buqaralyq aqparat quraldary qyzmetkerleri kúnine oraı QR Parlamenti Senaty uıymdastyrǵan «Amanat» baıqaýynyń jeńimpazdary marapattaldy, dep habarlaıdy QazAqparat.

«Jalpy, kez kelgen qoǵam úshin aqparattyń alar orny erekshe. Ásirese, qazirgideı pandemııa kezeńinde tilshilerdiń róli arta túskenin bárimiz kórip otyrmyz. Qandaı jaǵdaı bolsa da otandyq jýrnalıster kásibı biliktiliktiń bıiginen kórinip, belsendilik tanytyp keledi.

Osy rette Memleket basshysynyń tapsyrmasymen 28 maýsym Buqaralyq aqparat quraldarynyń qyzmetkerleri kúni bolyp jarııalanýyn erekshe atap ótken jón. Prezıdentimiz búgingi quttyqtaýynda da Qazaq radıosynyń 100 jyldyǵyna oraı 1 qazandy Radıo qyzmetkerleri kúni dep resmı túrde bekitýdi usyndy. Osyndaı bastamalardy jýrnalısterdiń qyzyǵy men qıynshylyǵy qatar júretin qyzmetterine berilgen joǵary baǵa dep qabyldaımyz», - dep jazdy Senat Tóraǵasy Máýlen Áshimbaev Facebook-te.

Málim etilgendeı, bıyl «Amanat» baıqaýyna joǵary kásibı deńgeıdegi 100-ge jýyq jumys kelip tústi. Jeńimpazdardy anyqtaýda óńirdegi jýrnalıster de nazardan tys qalmaǵan.

Nátıjesinde:

- «Úzdik televızııalyq materıal» atalymynda Indıra Jylqaıdarova («Habar» agenttigi) men Svetlana Penkova («Evrazııa» birinshi arnasy»);

- «Ú zdik radıomaterıal « atalymynda – Dýlat Abıbýllaev («Qazaq radiosy»),

- « BAQ basylymdaryndaǵy úzdik jarııalanym « atalymynda – «Atyraý» gazetiniń ujymy men Oksana Skıban («Lıter» gazeti);

- «Internet-basylymdaǵy úzdik jarııalanym» nomınatsııasynda – Marlan Zhiyembay («QazAqparat» HAA) men Evgenıı Fedotov (Kazpravda.kz);

- «Áleýmettik jelilerdegi úzdik jarııalanym» boıynsha – Nartaı Aralbaıuly jáne Táýelsizdiktiń 30 jyldyǵy týraly úzdik materıal atalymynda Joldybaı Bazar («Egemen Qazaqstan» gazeti) men «Habar 24» telearnasynyń ujymy top jardy.



















Sondaı-aq, parlamenttik jýrnalıstıkanyń damýyna qosqan úlesi úshin taǵaıyndalǵan arnaıy syılyq Eldar Nýrýllınge («Ekspress-K» jańalyqtar portaly) buıyrdy.

«Bıyl baıqaýdyń bir ereksheligi retinde belgili qazaqstandyq jýrnalıster Nurtileý Imanǵalıuly men Mıhaıl Dorofeev atyndaǵy eki arnaıy júldeniń taǵaıyndalǵanyn atap ótýge bolady. Eki azamatymyz da otandyq jýrnalıstıkanyń damýyna úlken úles qosqan qalamgerler edi. Olardyń kásibı sheberligi men mol tájirıbesi jas jýrnalıster úshin qashanda úlgi-ónege bolyp qala beretini anyq. Oǵan bizdiń baıqaý da ózindik yqpalyn tıgizedi dep úmittenemiz», - dedi M.Áshimbaev.




Sonymen, qazaq jýrnalıstıkasynyń damýyna qosqan úlesi úshin Nurtileý Imanǵalıuly atyndaǵy syılyqqa – belgili telejýrnalıst Jaına Slambek («Qazaqstan» ulttyq telearnasy), al «Úzdik analıtıkalyq materıal» úshin Mıhaıl Dorofeev atyndaǵy syılyqqa ıÝrıı Masanov (Kursiv.kz) laıyq dep tanyldy.


Basty sózder: Jýrnalıster kúni, BAQ, Senat, Parlament,
Joǵary qaraı