Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senat tóraǵasy medıtsına qyzmetkerlerin kásibı merekemen quttyqtady

2021 jyldyń 19 maýsym 2021 13:10

NUR-SULTAN. QazAqparat – QR Parlamenti Senatynyń tóraǵasy Máýlen Áshimbaev Qazaqstannyń medıtsına salasynyń mamandaryn kásibı merekesimen quttyqtady, dep habarlaıdy QazAqparat.

«Elimizdegi barsha medıtsına qyzmetkerlerin kásibı merekelerimen shyn júrekten quttyqtaımyn!

Densaýlyq saqtaý júıesi qashanda elimiz úshin eń negizgi salalardyń biri. Ásirese, pandemııa bastalǵaly beri densaýlyqtyń qadirin burynǵydan da artyǵyraq túsinip jatyrmyz. Osy kezeńde aq halatty abzal jandardyń qoǵamdaǵy orny men atqaratyn róli qanshalyqty mańyzdy ekenine anyq kóz jetkizdik.

Juma kúni elordamyzda indetpen kúres jumystaryna zor úles qosqan medıtsına qyzmetkerlerine arnalyp «Altyn júrek» eskertkishi ashyldy. Saltanatty rásimde Memleket basshysy dárigerlerdiń qoǵamdaǵy mártebesin arttyrý úshin «Qazaqstan Respýblıkasynyń eńbek sińirgen dárigeri» ataǵyn engizýdi usyndy. Ataqpen birge materıaldyq syıaqy da beriledi. Munyń bári osy baǵytta ter tógip júrgen mamandardyń eńbegine berilgen laıyqty baǵa ekeni sózsiz.

Barsha medıtsına qyzmetkerlerin merekelerińizben quttyqtaı otyryp, sizderge zor densaýlyq, baq-bereke jáne tolaıym tabys tileımin! Árdaıym kásibıliktiń bıiginen kórine berińizder!»,-dep jazdy Máýlen Áshimbaev óziniń Facebook jelisindegi paraqshasynda.

Aıta keteıik, medıtsına salasynyń qyzmetkerleri kásibı merekelerin jyl saıyn maýsymnyń úshinshi jeksenbisinde atap ótedi. Bul kúndi merekeleý1998 jyly Qazaqstan Respýblıkasy Prezıdentiniń Jarlyǵymen bekitilgen.


Basty sózder: Parlament, Senat, Medıtsına,
Joǵary qaraı