Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senat tóraǵasy: Qazaqstandyqtardyń 86 paıyzy qazaq tilin biledi

2021 jyldyń 15 qazan 2021 11:24

NUR-SULTAN. QazAqparat – Qazaqstanda qazaq tilin biletin halyq úlesi 86 paıyzǵa jetti. Bul týraly QR Parlamenti Senatynyń Tóraǵasy Máýlen Áshimbaev aıtty, dep habarlaıdy QazAqparat tilshisi.

«Ekonomıkalyq jáne áleýmettik jańǵyrýdyń áleýmettik bazasy jáne qozǵaýshy kúshi retinde orta sanattyń qalyptasýy da mańyzdy ózgeris sanalady. Táýelsizdik jyldarynyń ishinde azamattarymyzdyń ortasha tabysy 13 eseden astamǵa artqanyn aıtsaq da jetkilikti. Kásipkerler qatary da artyp keledi. Jeke bızneste jumys istep turǵan sýbektiler sany 2021 jyldyń 1 qańtarynda 1,4 mln-dy qurady. 2005 jyldan bastap bul úsh esege jýyq ósimdi quraıdy», - dedi Senat spıkeri Qazaqstan áleýmettanýshylarynyń VII kongresinde.




Onyń atap ótýinshe, ýrbanızatsııa qazaqstandyq qoǵamnyń áleýmettik stratıfıkatsııasyna yqpal etetin mańyzdy trendterdiń biri sanalady. Táýelsizdik jyldary qala halqynyń sany 9 mln-nan 11 mln-ǵa deıin artyp otyr.




«30 jyldyń ishinde eldiń demografııalyq beıini, halyqtyń etnıkalyq quramy ózgerip, jańa tildik orta qalyptasty. Qazaq tilin biletin halyqtyń úlesi 86 paıyzǵa jetti. Bul rette qazaqstandyqtardyń 92 paıyzy orys tilin biledi. Biz – jas ultpyz. Qazaqstandyqtardyń ortasha jasy shamamen 32-ni quraıdy. Sonymen qatar ómir súrý uzaqtyǵy da uzaryp keledi», - dedi Máýlen Áshimbaev.




































Avtor Marlan Jıembaı
Basty sózder: Til, Senat, Parlament,
Joǵary qaraı