Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senat Rasýl Rahımovti Esep komıtetiniń músheligine taǵaıyndady

2021 jyldyń 21 qazan 2021 10:16

NUR-SULTAN. QazAqparat – Parlament Senatynyń jalpy otyrysynda Respýblıkalyq bıýdjettiń atqarylýyn baqylaý jónindegi esep komıtetiniń múshesi qyzmetke taǵaıyndaldy, dep habarlaıdy QazAqparat tilshisi.

Konstıtýtsııaǵa sáıkes, Senattyń kvotasy aıasynda Esep komıtetiniń múshesi qyzmetine kandıdatýrany Senat tóraǵasy usynady.

«Maǵan berilgen quqyqty paıdalana otyryp, Senattan Esep komıtetiniń múshesi qyzmetine Rasýl Nurlanuly Rahımovtiń kandıdatýrasyn usynamyn. Usynylǵan kandıdatýra Senattyń Qarjy jáne bıýdjet komıtetiniń otyrysynda aldyn ala talqylandy», - dedi Senat tóraǵasy Máýlen Áshimbaev.

Óz kezeginde Qarjy jáne bıýdjet komıtetiniń tóraıymy, depýtat Olga Perepechına atalǵan qyzmetke usynylǵan R. Nurlanuly «Bolashaq» stıpendııasynyń túlegi ekenin, sheteldik joǵary oqý oryndarynda bilim alǵanyn jetkizdi. Elimizde memlekettik organdarda qyzmet etip, ózin bilikti maman retinde tanyta alǵan.

Palata depýtattary bul usynysty biraýyzdan qoldady.


Avtor Rýslan Ǵabbasov
Basty sózder: Senat, Taǵaıyndaý,
Joǵary qaraı