Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senat komıteti aýylda turý jaǵdaıyn jaqsartý, jastardyń qalaǵa ketýin tómendetý máselelerin talqylady

2021 jyldyń 15 qazan 2021 18:29

TÚRKІSTAN. QazAqparat - Senattyń Ekonomıkalyq saıasat, ınnovatsııalyq damý jáne kásipkerlik komıtetiniń depýtattary Túrkistan oblysynda kóshpeli otyrys ótkizdi, dep habarlaıdy QazAqparat.

Turǵyn úı qurylysy salasyndaǵy zańnamany jetildirý jáne memlekettik baǵdarlamalardy iske asyrý, sondaı-aq azamattardy turǵyn úımen qamtamasyz etý jónindegi biryńǵaı ulttyq baǵdarlama ázirleý – talqylaýdyń basty taqyryby boldy.

Komıtet tóraǵasy Dáýren Ádilbekov qazaqstandyqtardy qoljetimdi baspanamen qamtamasyz etý memlekettiń negizgi áleýmettik mindetteriniń biri ekenin atap ótti. Tıisti memlekettik baǵdarlamany iske asyrýdy zańnamalyq qamtamasyz etý protsesinde parlamentshiler róli aza mańyzdy. Depýtat sondaı-aq Senat komıtetiniń kóshpeli otyrysy turǵyn úı saıasaty salasyndaǵy problemalyq máselelerdi anyqtaýǵa arnalǵanyn atap ótti.




Senator Álimjan Qurtaev aýyl turǵyndaryn turǵyn úımen qamtamasyz etýde jeke baǵdarlama ázirleý qajet dep esepteıdi. Bul aýylda turý jaǵdaıyn jaqsartýǵa múmkindik beredi, sondaı-aq jastardyń qalalarǵa jappaı ketýin qysqartýy yqtımal.

«Qoldanystaǵy memlekettik baǵdarlamalardy aýyldyq jerlerde iske asyrý múmkin emes. Osyǵan baılanysty Qazaqstanda turǵyn úı qurylysy protsesin odan ári jetildirý maqsatynda turǵyn úı saıasatyn reformalaý máseleleri boıynsha zań jobasy ázirlendi. Qazirgi ýaqytta ol Úkimettiń qaraýynda jatyr», - dedi senator.




Komıtettiń kóshpeli otyrysynyń jumysyna Túrkistan oblysynyń ákimi Ómirzaq Shókeev, ındýstrııa jáne ınfraqurylymdyq damý mınıstriniń orynbasary Qaıyrbek Óskenbaev, «Otbasy bank» AQ Basqarma Tóraǵasy Lázzat Ibragımova jáne basqa da salalyq mekemelerdiń basshylary qatysty.

Komıtettiń kóshpeli otyrysyna Túrkistan oblysy ákiminiń orynbasary Arman Jetpisbaı, IIDM Qurylys jáne turǵyn úı-kommýnaldyq sharýashylyq isteri komıtetiniń tóraǵasy Tımýr Qaraǵoıshın, «Otbasy bank» AQ Basqarýshy dırektory jáne basqa da salalyq mekemelerdiń basshylary qatysty.











Basty sózder: Senat, Parlament, Turǵyn úı,
Joǵary qaraı