Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeılikterdiń jylýǵa qaryzy 375 mln teńgege jetti

2021 jyldyń 3 tamyz 2021 22:09

SEMEI. QazAqparat – Semeı qalasy turǵyndarynyń jylýǵa qaryzy 375 mln teńgege jetip otyr, dep habarlaıdy QazAqparat tilshisi.

Búgingi tańda shahar turǵyndarynyń jylýǵa qaryzy 375 mıllıon teńgeni quraıdy. Onyń ishinde 250 mln-nan astamy jeke tulǵalarǵa, al 124 mln-y zańdy tulǵalarǵa tıesili. Endi qaryzyn ótemegen boryshkerler jylýmen qamtamasyz etilmeıtin bolady.

«Júz myń teńgeden astam qaryzy bar abonentterdi óshiremiz. Bereshegi júz myńnan az turǵyndarmen sot oryndaýshylary aınalysady. Jylytý maýsymynyń sońynda tólem jóninde habarlama jiberilgen soń, oǵan bir-eki aı kóleminde ýaqyt beriledi. Alaıda azamattar bul eskertýdi múlde elemeıdi. Sondyqtan tólemegender jylýdan ajyratylady. Bul kelisim-shartta kórsetilgen», – deıdi Semeı qalalyq jylý ınspektsııasy basshysynyń orynbasary Erik Raıymjanov.

Onyń aıtýynsha, jylýdy qaıta qostyrý úshin abonent 70 myń teńgege shyǵyndalady. Zańdy tulǵalar úshin qaıta qosylý baǵasy budan da qymbat.





Joǵary qaraı