Aýa raıy
Astana -9 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Semeılik muǵalim: Bilim berý salasynda balalardyń densaýlyǵy basty nazarda

2020 jyldyń 22 qarasha 2020 03:15

ÓSKEMEN. QazAqparat - Semeı qalasyndaǵy bıologııa pániniń muǵalimi Vıktorııa Peshkova qashyqtan oqytý formaty balalardyń jaýapkershiligin arttyrady dep sanaıdy, dep habarlaıdy QazAqparat tilshisi.

V.Peshkovanyń aıtýynsha, onlaın formattyń nátıjesinde oqýdyń ınteraktıvti ádisterin ınternet platformalarda qoldanýǵa múmkindik týdy. Ár pán sabaq kestesine sáıkes sınhrondy jáne asınhrondy formatta ótedi.

«Qashyqtan oqytý formaty balalardyń jaýapkershiligin arttyrdy. Qysqa merzimde muǵalim oqýshylarǵa jańa materıal berip, formatıvti baǵalaý júrgizip, sonymen qatar barlyq balalardyń tehnıkalyq múmkindikterin eskere otyryp keri baılanys ornatýy kerek. Bul ustazdyń da, oqýshynyń da júgin arttyra túsedi. Óıtkeni olar sabaq berýdiń dástúrli formatyna úırengen. Dese de bilim berý salasynda balalardyń densaýlyǵy basty nazarda. Sondyqtan onlaın oqytý formatyna aqparattyq-kommýnıkatıvtik daǵdylardy jetildirýdiń jáne ózin-ózi tárbıeleýdiń jańa kezeńi retinde qaraǵan jón», - dedi ol.

Muǵalim óz sózinde barlyq muǵalimder men oqýshylardyń shekteý sharalarynyń tezirek alynyp, qaıtadan mektep qabyrǵasyna barýlaryn tosyp júrgenin jetkizdi.

Avtor: Rýslan Shaqabaev


Joǵary qaraı