Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Semeıdegi Máńgilik el kóshesi eski qala beınesine enbek

2020 jyldyń 17 qyrkúıek 2020 13:20

SEMEI. QazAqparat - Semeı qalasyndaǵy Máńgilik el kóshesi ózgerip, jaıaý júrginshiler aımaǵyna aınalady, dep habarlaıdy QazAqparat tilshisi.

Bul jaıly ShQO ákimi Danıal Ahmetov Facebook -tegi jeke paraqshasynda jazdy.

«Semeıde kópbalaly analarmen kezdestim. Biz olardyń basym bóligine óz jobalaryn júzege asyrýǵa, otbasylyq bıznesterin damytýǵa qoldaý kórsettik. Búginde kópbalaly otbasylar ataýly áleýmettik kómek alady. Óńirimizde qabyldanǵan áleýmettik jobalar boıynsha barlyq mindettemelerdi oryndaýdamyz. Bul mańyzdy másele únemi meniń jeke baqylaýymda, - dedi ol.




Sondaı-aq aımaq basshysy Abaı mýzeıinde daryndy jas músinshi Nurbol Qalımen kezdesti. Ol uldarynyń ortasynda beınelengen Abaı músininiń avtory.

«Eskertkish fotosýret negizinde jasalǵan. Onda Abaı uldarymen birge beınelengen. Munda ol eń aldymen, otbasyn jaqsy kóretin áke. Al onyń uldarynyń beınesinde – búkil qazaq halqy. Qazir músin mýzeı aýmaǵynda ornatylǵan, jaqyn arada ashylý saltanaty ótedi, - dedi Danıal Ahmetov.







Onyń aıtýynsha, Máńgilik El kóshesi aldaǵy ýaqytta kórkeıe túspek. Munda jaıaý júrginshilerge arnalǵan aýmaq bolady. Qazir qurylys jumystary qarqyndy júrip jatyr.

«Eski qalanyń beınesin qaıta jasaýǵa tyrysamyz. Kóshedegi tarıhı ǵımarattar qalpyna keltiriledi. Arnaıy kóne shamdar ornatylyp, jaryq jasalýda. Máńgilik El kóshesi Semeı qalasynyń turǵyndary men qonaqtarynyń súıikti ornyna aınalatynyna senimdimin, - dedi ákim.








Joǵary qaraı