Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıdegi Abaı meshiti mańyna jerústi ótkel salynýda

2021 jyldyń 22 qazan 2021 14:24

SEMEI. QazAqparat – Semeı qalasyndaǵy Abaı meshiti mańyna jerústi ótkel salynyp jatyr, dep habarlaıdy QazAqparat tilshisi.

Qalalyq Aqparat ortalyǵynyń málimetinshe, bıyl kóktemde ashylǵan jańa meshitke Abaı Qunanbaıulynyń esimi berilgen bolatyn. Ótken jyly uly aqynnyń 175 jyldyq mereıtoıy aıasynda Túrkistan bıligi meshit aınalasyn abattandyrdy. Alaıda meshit aınalma jolda ornalasqandyqtan jaıaý júrginshilerdiń dinı nysanǵa jetýi qıyndyq týdyrǵan.

Qyrkúıek aıynyń basynda meshittiń soltústik jaǵynan jerústi jaıaý júrginshiler ótkelin salý qolǵa alyndy. Kelesi jyly ońtústik jaqqa da ótkel ornatý josparlanǵan.

«Jobanyń jalpy somasy – 100 mln teńgeni quraıdy. Búgingi kúni jumystardyń 50%-y oryndaldy. Jaıaý júrginshiler ótkeli aınalma jolda ornalasqan meshit jobasynyń ajyramas bóligi. Osy ótkeldiń kómegimen jaıaý júrginshiler meshitke bara alady», - deıdi joba avtory Nurlan Júnisov.

Ótkel uzyndyǵy – 48 metr, eni – 2,5 metr, bıiktigi – 5,5 metr. Jaıaý júrginshiler ótkeliniń tirekterine altyn tústi kúmbezder qoıylady. Barlyq konstrýktsııalar metaldan jasalǵan.








Joǵary qaraı