Aýa raıy
Astana -14 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde jylytý maýsymy shtattyq rejımde ótýde

2020 jyldyń 21 qazan 2020 11:24

ÓSKEMEN. QazAqparat – Semeı qalasynda jylytý maýsymy shtattyq rejımde ótýde, dep habarlaıdy QazAqparat tilshisi.

Aýa temperatýrasynyń tómendeýine jáne JRVI órshýiniń aldyn alýǵa baılanysty bıyl Semeıde jylytý maýsymy ýaqytynan buryn, ıaǵnı 25 qyrkúıekte bastaldy. Jylýdy áleýmettik nysandarǵa jáne turǵyn úılerge birdeı berý josparlanǵan. Alaıda alǵashqy ýaqytta birqatar aýdan turǵyndary jylý berilmegenine shaǵymdanǵan edi. Semeı qalalyq turǵyn úı-kommýnaldyq sharýashylyq bóliminiń mamany Elena Proskýrıakova búginde jylý berýde eshqandaı qıyndyq joq ekenin atap ótti.

«Jylý bárine berildi. Biraq bul bir kúndik emes, kezeń-kezeńmen júrgiziletin jumys. Jylý qosýda eshqandaı problemalar týyndaǵan joq. Birneshe kúnniń ishinde jylýmen barlyq nysandar qamtamasyz etildi, - deıdi ol.

Ótken jyly da qalada jylý júıesine qosý kezeń-kezeńmen júrgizilgen. Bastapqyda jylýǵa áleýmettik jáne densaýlyq saqtaý nysandary, keıinirek turǵyn úıler qosyldy. Bıyl jylý bárine bir merzimde berilgen, aralary tek birneshe kúndi qurady. Búgingi tańda jylytý maýsymy shtattyq rejımde ótýde. Qalada 18 qazandyq jáne JEO bar.


Joǵary qaraı