Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde joǵary oqý oryndarynyń biriniń ǵımaraty órtenip jatyr

2021 jyldyń 27 shilde 2021 08:38

SEMEI.QazAqparat - Semeı qalasynyń 50-den astam órt sóndirýshisi joǵary oqý ornynyń ǵımaratynan shyqqan órttti sóndirip jatyr, dep habarlaıdy QazAqparat Shyǵys Qazaqstan oblystyq Tótenshe jaǵdaılar departamentiniń baspasóz qyzmetine silteme jasap.

Baspasóz málimetterine qaraǵanda, jalyn 1987 jyly salynǵan, úsh qabatty ǵımarattyń shamamen 150 sharshy metr aýmaǵyn sharpydy.

Órt 8.05 saǵatta oqshaýlandy. Oqıǵa ornynda 50-den astam órt sóndirýshi jumys istep jatyr. Órtti sóndirýge 14 birlik tehnıka jumyldyryldy. Órt oshaǵy kitaphana ǵımaratynda ornalasqan.




Gaz tútininen qorǵaý qyzmetiniń 4 býyny jumys istep jatyr. Órtti tolyq sóndirgennen keıin bolǵan oqıǵanyń sebebin ShQO TJD Órt sóndirý zertteý synaq zerthanasynyń mamandary anyqtaıtyn bolady. Qaza bolǵandar men zardap shekkender joq.

«Órt tutanǵan kezde ǵımaratta eshkim bolmaǵan. ShQO TJD Órt qaýipsizdigi erejelerin qatań saqtaý qajettigin eskertedi. Órttiń shyǵýyna sebep bolýy múmkin kemshilikterdi der kezinde qalypqa keltirý kerek. Ǵımarattarda jaramdy avtomatty órt dabyly, alǵashqy órt sóndirý quraldary bolýy tıis. Órt kezinde 101 nemese 112 nómiri boıynsha habarlaý qajet»,-delingen habarlamada.





Joǵary qaraı