Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde jer telimin zańsyz ıelengen 6 adamnyń isi sotqa jiberildi

2021 jyldyń 24 qarasha 2021 14:50

SEMEI. QazAqparat – Semeı qalasynda jer telimin zańsyz ıelengen 6 adamnyń isi sotqa jiberildi, dep habarlaıdy QazAqparat tilshisi.

Qala ákimdiginde jer komıssııasynyń kezekti otyrysy ótip, jeke jáne zańdy tulǵalardyń ótinishteri qaraldy. Barlyǵy 140 ótinish berilse, onyń 122-i jer ýchaskelerin alýǵa qatysty bolyp otyr. Sondaı-aq ótinish bildirgenderdiń arasynda jer telimderiniń nysanaly maqsatyn ózgertkisi keletinder de kezdesti.

Komıssııa qorytyndysy boıynsha 132 ótinish maquldandy. Alaıda eshkimge jańa jer telimderi berilmegen. Tek buryn alynǵan jerge qosymsha ýchaskeler bólindi.

Otyrysta 8 ótinish qanaǵattandyrylmady. Mundaǵy sebep – adamdardyń tıisti qujatsyz jer ýchaskesin óz betinshe ıelenýi. Osyndaı 6 fakti boıynsha is sotqa jiberilgen.

Aıta keteıik, búgingi tańda shahar boıynsha jer kezeginde 24 myńǵa jýyq azamat tur.


Joǵary qaraı