Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Semeıde jaıylym tapshylyǵy máselesin sheshý úshin komıssııa qurylady

2022 jyldyń 17 mamyr 2022 19:53

SEMEI. QazAqparat – Semeı qalasynda jaıylymdyq jer tapshylyǵy máselesin sheshý úshin arnaıy komıssııa qurylady, dep habarlaıdy QazAqparat tilshisi.

Qala ákimi Baqytjan Baıahmetov aýyl sharýashylyǵy taýarlaryn óndirýshilermen kezdesý ótkizip, talap-usynystaryn tyńdady.

«Aýyl sharýashylyǵy salasynda eńbek etip júrgen azamattarǵa «Bıznestiń jol kartasy-2025» baǵdarlamasyna qatysýǵa qoldaý kórsetiletin bolady. Búginde azyq-túlik qaýipsizdiginiń mańyzdylyǵy erekshe. Aýyl kásipkerlerin qoldaý nátıjesinde sapaly tabıǵı ónim alyp, jergilikti naryqty óz kókónisterimizben qolaıly baǵada toltyrýǵa bolady», - dedi ákim.

Onyń aıtýynsha, osyǵan deıin jergilikti turǵyndar jaıylymdyq jer jetispeýshiligi máselesin kótergen bolatyn.




O syǵan oraı arnaıy komıssııa qurylyp, tıisti jumystar júrgizilmek.

Jer telimderin durys bólý úshin qajetti málimetter jınalyp jatyr.

«Kóktemgi egis jumystarynda kóptegen sharýa qojalyqtary ozyq tehnologııalardy paıdalanyp jatyr. Ónimdilikti arttyrý úshin mıneraldy tyńaıtqyshtar men zamanaýı aýylsharýashylyq tehnıkalary jáne jańa jabdyqtar qoldanylýda. Suranysty eskere otyryp, egis alqaptarynyń qurylymy da ózgerýde. Mysaly, «Laýra» sharýa qojalyǵy 30 gektar alqapta TL jańbyrlatqysh agregatyn ornatyp, kartop pen kókónis daqyldary ósiriletin 43 gektar alqapta tamshylatyp sýarý ádisin qoldanady», - dedi Baqytjan Baıahmetov.




Osy qabyldanǵan sharalar áleýmettik mańyzy bar aýyl sharýashylyǵy taýarlary baǵasynyń turaqtanýyna jáne kúzgi-qysqy kezeńde qala qoımalarynyń kókónispen qamtamasyz etilýine oń áserin tıgizedi dep kútilýde.





Joǵary qaraı