Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde ıadrolyq synaqtardyń qurbandaryn eske alý úshin beıbit sherý uıymdastyryldy

2021 jyldyń 29 tamyz 2021 20:23

SEMEI. QazAqparat – Semeı qalasynda ıadrolyq synaqtardyń qurbandaryn eske alý úshin beıbit sherý uıymdastyryldy, dep habarlaıdy QazAqparat tilshisi.

30 jyl buryn Tuńǵysh Prezıdent Nursultan Nazarbaevtyń sheshimimen Semeı ıadrolyq synaq polıgony jabyldy. Bul 1949 jyldan bastap jumys istep kele jatqan SSSR kezindegi eń iri polıgondardyń biri bolǵan. Munda 1989 jylǵa deıin 468 synaq jasalǵan. Sońǵy jarylys 1989 jyly 19 tamyzda boldy.




Búgin Semeı qalasynda «Ólimnen de kúshti» monýmentinde beıbit sherý uıymdastyryldy. Onda jınalǵan jurtshylyq monýmentke gúl shoqtaryn qoıyp, Jambyl oblysynyń Baızaq aýdanynda bolǵan jarylystan qaza tapqandar men ıadrolyq polıgonnyń qurbandaryn bir mınýt únsizdikpen eske aldy. Sharaǵa qatysqan Shyǵys Qazaqstan oblysynyń ákimi Danıal Ahmetov polıgondy jabý týraly sheshim – Elbasy jasaǵan teńdessiz qadam bolǵanyn jáne jańa dáýir – «Beıbit atom» dáýiri bastalǵanyn aıtty.

«Bul táýelsizdigimizdiń qalyptasý kezeńiniń basyndaǵy mańyzdy sheshim boldy. Polıgon aýmaǵynda atom energııasyn beıbit maqsatta paıdalanýǵa múmkindik mol. Sondyqtan onda tıisti jumystar jalǵasady», - dedi aımaq basshysy.




Oóz sózinde ol búginde jabyq polıgon bazasynda jumys isteıtin Kýrchatov qalasyndaǵy Ulttyq ıadrolyq ortalyqta múldem basqa sıpattaǵy zertteýler júrgizilip jatqanyn, ondaǵy ǵalymdar birqatar ıgi jobalardy iske asyrǵanyn atap ótti.

















Joǵary qaraı