Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde sýǵa batqan qyzdy qutqaramyn dep kóz jumǵan jetkinshektiń ata-anasyna medal berildi

2021 jyldyń 30 shilde 2021 13:10

SEMEI. QazAqparat – Semeı qalasynda sýǵa batyp bara jatqan qyzdy qutqaramyn dep kóz jumǵan 14 jastaǵy jetkinshektiń ata-anasyna medal berildi, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, 29 shilde kúni QR Tótenshe jaǵdaılar mınıstriniń buıryǵymen Áshimjanov Nurjigit Qýanyshuly qaıtys bolǵannan keıin «Sýǵa batqandardy qutqarǵany úshin»medalimen marapattaldy. Marapattaý rásimin Semeı qalasynyń Tótenshe jaǵdaılar basqarmasy bastyǵynyń mindetin atqarýshy Ernar Jalelov ótkizdi. Óz sózinde ol balanyń ata-anasyna kóńil aıtyp, batyr uldy tárbıelegenderine alǵys bildirdi.

«Oqıǵa 30 maýsym kúni bolǵan. Nurjigit dostarymen Ertis ózeniniń jaǵasynda demalyp júrgende sýǵa batyp bara jatqan qyzdy kórip qalady. Ózi júze almasa da, ony qutqarý úshin sýǵa sekirgen. Júzip jetedi de qyzdy jaǵaǵa qaraı ıterip jiberdi. Osylaısha, qyz aman qalǵan. Alaıda Nurjigittiń sýdan shyǵýǵa shamasy jetpedi. Ony esinen tanyp qalǵan kezde sol mańdaǵy kýágerler alyp shyqty», - dep habarlady vedomstvo ókilderi.

Jedel járdem qyzmetkerleri kelip jetken soń jetkinshekke reanımatsııalyq sharalar qoldanǵanymen, ony qutqarý múmkin bolmady.


Joǵary qaraı