Aýa raıy
Astana 3 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde kómir qymbattamaıdy

2020 jyldyń 23 qyrkúıek 2020 07:47

SEMEI. QazAqparat – Semeı qalasyndaǵy «Qarajyra» AQ jyl basynan beri 8 mıllıon tonna kómir óndirgen, dep habarlaıdy QazAqparat tilshisi.

Karantındik shekteýlerge baılanysty shahardaǵy bıýdjettik uıymdar mamyr-maýsym aılarynda kómir satyp alý boıynsha tenderlik rásimderdi júzege asyra almaı, bul jumysty tek tamyzdyn ortasynda ǵana bastady. Endi jylytý maýsymynyń basynda halyq kómirdi belsendi satyp alady dep kútilýde. «Qarajyra» AQ ókilderiniń aıtýynsha, olar mundaı rejımge daıyn, biraq áli de biraz qıyndyqtar bar.

«Biz osyndaı rejımge daıynbyz, degenmen «Qaztemirtrans» AQ usynatyn ulttyq tasymaldaýshy vagondarmen qamtamasyz etý formýlasyn túbegeıli ózgertýi kerek. Óıtkeni qyrkúıek aıynyń basynan bastap «Qazaqtemirtrans» AQ jyljymaly quramynyń jetispeýshiligi sezilip keledi. Qyrkúıektiń úshinshi onkúndiginiń basynan bastap biz kúnine 420 jartylaı vagon kerektigin jektizdik, biraq 2 kún ishinde tek 183 jáne 290 jartylaı vagondardy aldyq. Osylaısha, eki kún ishinde karerge «Qaztemirtrans» AQ bes vagony berilmegen. Jyljymaly quramdy jetkizýge arnalǵan ótinimderdi oryndamaý kommýnaldyq kómirmen qamtamasyz etý boıynsha mindettemelerdiń buzylýyna ákeledi», - deıdi «Qarajyra» AQ bas dırektorynyń orynbasary Áset Sadyqov.

Kómir kenishi jyl basynan beri 8 mıllıon tonna kómir óndirgen. «Qarajyra» AQ ókilderiniń málimetinshe, kómirdiń baǵasy bıyl ózgerissiz qalady.


Joǵary qaraı