Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Semeıde kóktaıǵaqtan 100-ge jýyq adam zardap shekti

2022 jyldyń 17 qańtar 2022 20:36

SEMEI. QazAqparat – Semeıde kóktaıǵaqtan 100-ge jýyq adam zardap shekti, dep habarlaıdy QazAqparat tilshisi.

Sońǵy kúnderi Semeı qalasynyń kóshelerin kók muz basqan. Osyǵan baılanysty búgin 0-11 synyp oqýshylary mektepke barmaı, sabaqty onlaın oqydy.

ShQO Densaýlyq saqtaý basqarmasy baspasóz qyzmetiniń málimetine súıensek, demalys kúnderi shahar boıynsha kóktaıǵaq saldarynan jaraqat alǵandar sany kúrt ósken.

«Naqty aıtqanda, 15-16 qańtar aralyǵynda medıtsınalyq mekemelerge 65 adam júgindi. Al 17 qańtar kúni ázirge zardap shekken 36 adam, onyń ishinde 6 bala tirkelip otyr. Osy rette, turǵyndarǵa kóktaıǵaq kezinde barynsha abaı bolý qajettigin eskertemiz. Eger qandaı da bir jaraqat alsańyz mindetti túrde dárigerge qaralý kerek», - delingen aqparatta.

Esterińizge sala ketsek, osyǵan deıin Shyǵys Qazaqstan oblysynda aýa raıy qolaısyzdyǵyna baılanysty birqatar tasjol jabylǵandyǵy habarlanǵan.


Joǵary qaraı