Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde dúken satýshysy 3,5 mln teńgeniń telefonyn jymqyrǵan

2021 jyldyń 27 qazan 2021 02:47

SEMEI. QazAqparat – Semeı qalasynda dúken satýshysy 3,5 mln teńgelik telefondardy jymqyrǵan, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna 44 jastaǵy JShS basshysy qońyraý shalǵan. Óz sózinde ol 4-11 qazan aralyǵynda dúkendegi 26 jastaǵy satýshynyń jumys ornynda 5 dana uıaly telefondy jymqyryp ketkenin jetkizdi. Osynyń saldarynan keltirilgen materıaldyq zalal mólsheri – 3 500 000 teńgeni qurady.

Jedel-izdestirý sharalaryn júrgizgen polıtsııa qyzmetkerleri kúdiktini qolǵa túsirdi. Er adam óz kinásin moıyndap otyr. Belgili bolǵandaı, ol uıaly telefondardy lombardqa ótkizip, aqshany jeke qajettiligine jumsaǵan. Qazirgi ýaqytta zattaı dáleldemeler tárkilendi, - dedi departament bastyǵy Saǵat Mádıev.

Qazirgi ýaqytta atalǵan fakti boıynsha QR QK-niń 189-baby 3-bóligine sáıkes sotqa deıingi tergeý amaldary júrgizilip jatyr.


Joǵary qaraı