Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde bıyl tabysy artqan 400 otbasyǵa AÁK tóleý toqtatyldy

2021 jyldyń 21 qazan 2021 21:52

SEMEI. QazAqparat – Semeı qalasynda jyl basynan beri tabysy artqan 400 otbasyǵa AÁK tóleý toqtatyldy, dep habarlaıdy QazAqparat tilshisi.

Búgingi tańda qalada 2 708 otbasy ataýly áleýmettik kómek alyp keledi. Jyl basynan beri otbasynyń jıyntyq tabysynyń artýyna baılanysty 401 otbasyna tólem ýaqytsha toqtatyldy. Bul týraly baspasóz konferentsııasy barysynda Semeı qalalyq jumyspen qamtý, áleýmettik baǵdarlamalar jáne AHAT bóliminiń basshysy Murat Qurjyqaev málimdedi.

«Byltyrdan bastap ataýly áleýmettik kómek alýshylar úshin azyq-túlik jıyntyǵy jáne turmystyq hımııa taýarlary túrindegi kepildendirilgen áleýmettik paket engizilgen. 27 myńnan astam paket 1 953 otbasyna berildi. Oqý kezeńinde mektep jasyndaǵy 3 846 bala tegin tamaqpen qamtylyp, jolaqylaryna jeńildik jasaldy», - dedi ol.

Onyń aıtýynsha, memleket tarapynan áleýmettik osal toptaǵy azamattardy qoldaýdyń negizgi baǵyttarynyń biri – baspanamen qamtý. Osy rette, 764 otbasyna úı alý úshin alǵashqy jarna retinde qarjylaı kómek kórsetilgen.


Joǵary qaraı