Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde 1100 oryndyq tórt balabaqsha salynady

2021 jyldyń 24 qarasha 2021 20:35

SEMEI. QazAqparat – Semeı qalasynda 1100 oryndyq tórt balabaqsha boı kótermek, dep habarlaıdy QazAqparat tilshisi.

Bul týraly shahar ákiminiń orynbasary Darhan Jórgekbaev qalalyq Aqparat ortalyǵynda ótken baspasóz konferentsııasynda málim etti.

«Bilim berý nysandaryn salý jáne qalany abattandyrý boıynsha birqatar jobalar júzege asyrylýda. Onyń ishinde Bı Boranbaı kóshesinde trotýarlardy jaılastyrý, Voshod kentinde sport alańyn salý jumystary bar. Kelesi jyly 33,5 mln teńgege tórt jobany iske asyrý josparlanǵan. Atap aıtqanda, Shyǵys kenti, RSÝ-1 jáne Shýgaev kósheleri boıynda 3 balalar jáne bir sport alańynyń qurylysy qolǵa alynady», - dedi ol.

Semeıdi damytýdyń 2020-2025 jyldarǵa arnalǵan keshendi josparyn iske asyrý aıasynda kelesi jyly Stepnoı jáne Shyǵys kentterinde 300 jáne 1200 oryndyq eki jańa mektep ashylmaq. Sondaı-aq aldaǵy ýaqytta qalada 2400 oryndyq úsh mektep, 1100 oryndyq tórt balabaqsha salý josparlanǵan.


Joǵary qaraı