Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeı turǵyny arzanǵa kólik taýyp beremin dep qaraǵandylyqtyń 4,5 mln teńgesin aldap alǵan

2021 jyldyń 28 qyrkúıek 2021 22:56

SEMEI. QazAqparat – Semeı qalasynyń turǵyny arzanǵa kólik taýyp beremin dep qaraǵandylyqtyń 4,5 mln teńgesin aldap alǵan, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, polıtsııaǵa 41 jastaǵy Qaraǵandy qalasynyń turǵyny habarlasqan.

Óz sózinde ol Semeıde belgisiz bireýdiń senimine kirip, aýktsıon arqyly arzanǵa satylatyn kólikter arasynan «Toyota Land Cruiser Prado» jáne «Toyota Highlander « avtokólikterin taýyp beremin dep 4,5 mıllıon teńge suraǵanyn aıtty.

Alaıda aqsha qolyna tıgen soń baılanysqa shyqpaı, múlde joǵalyp ketti.

«Jedel-izdestirý sharalaryn júrgizgen tártip saqshylary kóp uzamaı kúdiktini ustady. Esh jerde jumys istemeıtin, buryn sotty bolmaǵan 33 jastaǵy semeılik óz kinásin tolyq moıyndaǵan. Ol jábirlenýshiniń aqshasyn óziniń jeke qajetine jumsap úlgerdi», - dedi Semeı qalalyq PB bastyǵy Shalqar Qunanbaev.

Qazirgi ýaqytta atalǵan fakti boıynsha QR Qylmystyq Kodeksiniń 190-babyna sáıkes sotqa deıingi tergeý amaldary bastaldy.


Joǵary qaraı