Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeı kóshelerin jaryqtandyrýǵa 1,8 mlrd teńge bólingen

2021 jyldyń 15 qyrkúıek 2021 03:15

SEMEI. QazAqparat – Semeı qalasynda kóshelerdi jaryqtandyrý jobasy júzege asyrylýda, dep habarlaıdy QazAqparat tilshisi.

Shahar ákimi Baqytjan Baıahmetov kóshelerde zamanaýı energııa únemdeıtin shamdardy ornatýǵa jaýapty taıvandyq Everlight kompanııasynyń ókilderimen kezdesti. 2019 jylǵy jeltoqsanda júrgizilgen tender nátıjesi boıynsha atalmysh kompanııamen kesilimshart jasalǵan. Jobanyń jalpy somasy – 1,8 mlrd teńgeni quraıdy.

Osynyń nátıjesinde qaladaǵy 136 kósheniń jaryq shamdary jańartylady. 7 659 shamdy qýattylyǵy 70, 130 jáne 150 Vt jaryq dıodty shamdarǵa aýystyrý kózdelgen. Sondaı-aq jospar boıynsha 687 tirek, 2,5 myńnan astam kronshteın jáne 130 shaqyrymdy quraıtyn symdar aýystyrylady. Sonymen qatar shamdardy qashyqtyqtan basqarýǵa múmkindik beretin birińǵaı dıspetcherlik ortalyq engizilmek. Joba júzege asyrylǵannan keıin shahardaǵy elektr qýaty 60%-ǵa únemdeledi dep kútilýde.

«Shamdardy aýystyrý úshin jóndeý jumystary júrgiziletin kóshelerdi aıqyndadyq. Tizimge buryn jaryq bolmaǵan 33 kóshe qosyldy. Bul joba óte mańyzdy. Energııa únemdeıtin shamdardy jáne avtomattandyrý júıesin ornatý qarajattyń únemdelýine jol ashady. Qazirgi ýaqytta qajetti jabdyqtardy jetkizý merziminiń sozylýy biraz qıyndyq týdyrýda. Qysqa ýaqyt ishinde osy máseleni sheshý kerek. Sebebi aýa raıy sýytqan jaǵdaıda jabdyqtardy ornatý múmkin bolmaıdy. Bul jumys sapasyna teris áser etedi», - dedi Baqytjan Baıahmetov.


Joǵary qaraı