ýchınskide shańǵy jarysynan Qazaqstan chempıonaty ótedi

ÝChINSK. QazAqparat - 26-29 qarasha kúnderi Aqmola oblysynyń ýchınsk qalasynda shańǵymen jarysýdan Qazaqstan chempıonatynyń alǵashqy aınalymy ótedi. Týrnır Halyqaralyq shańǵy sporty federatsııasynyń muryndyq bolýymen uıymdastyrylady, dep habarlaıdy QazAqparat.

Komanda bas bapkeri Aleksandr Batıaıkınniń aıtýynsha, chempıonatqa elimizdiń toǵyz óńirinen sportshylar qatysady. Sondaı-aq, ulttyq qurama músheleri de birinshilikte túgel baq synaıdy.

«Pandemııaǵa baılanysty biz birazdan beri oqý-jattyǵý jıynyn ótkize almaǵan edik. Túmen qalasynda jasandy qarda jattyǵamyz degen josparymyz da oryndalmaı qaldy. Dese de, 19 qazannan bastap sportshylar daıyndyqty bastady. Chempıonatta shańǵy sporty jolǵa qoıylǵan elimizdegi toǵyz óńirden sportshylar baq synaıdy. Barlyq sanıtarlyq-epıdemıologııalyq talaptardy tolyǵymen saqtaımyz. Jarys kórermenderdiń qatysýynsyz ótedi jáne júz sportshydan artyq jınalýǵa ruqsat joq. Birinshi týr aıaqtalǵan soń jattyǵý qaıtadan jalǵasyp, jańa jylǵa deıin ekinshi aınalymdy da uıymdastyramyz», - dep keltiredi bas bapkerdiń sózin Olympic.kz saıty.