Aýa raıy
Astana -22 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Saıramda jyl sońyna deıin 1,4 mlrd teńgeniń 5 jobasy júzege asady

2020 jyldyń 28 qarasha 2020 18:51

SAIRAM. QazAqparat – Túrkistan oblysy Saıram aýdanynda bıylǵy jyldyń 10 aıynda negizgi kapıtalǵa 24,6 mlrd teńge ınvestıtsııa tartylǵan. Bul týraly aýdan ákimi Ulasbek Sádibekov málimdedi, dep habarlaıdy QazAqparat tilshisi.

Aýdan basshysynyń aıtýynsha, aýdanda ónerkásip salasynda 24,4 mlrd teńgeniń ónimi óndirilip, ósim 12,4% quraǵan.

«Óńirlerdiń kásipkerligin qoldaý kartasy aıasynda» Saıram aýdanynda sońǵy bes jyldyqta quny 11,6 mlrd teńgelik 12 joba iske qosylyp, nátıjesinde 610 jumys orny ashylǵan bolatyn. Al bıyl jyl sońyna deıin Indýstrııalandyrý kartasy aıasynda 100-ge jýyq adamdy jumyspen qamtıtyn 1,4 mlrd teńgege 5 jobanyń iske qosylady»,- dedi Ulasbek Sádibekov.

Aýdanda jyldyq qýaty 15 tonnalyq «AYKAN» JShS sút óńdeıtin zaýyt qurylysy, jylyna 20 myń tonna ónim óndiretin «Kóktal grýpp» JShS temir-beton buıymyn óndirý zaýyty men «ELIT STROY M&A» JShS taýarly beton men asfalt-beton qospasyn óndiretin zaýytynyń qurylysy bastalmaq.

Oblys ákiminiń «Izraıl tehnologııasyn engizý» tapsyrmasyna sáıkes, aýdanda tamshylatyp sýǵarý ádisi 87 úı irgelik sharýashylyqta iske qosylǵan.

«Aýdan ekonomıkasynyń basty draıveri – aýyl sharýashylyǵynda 73,7 mlrd teńgeniń ónimi óndirilip, ósim 3,3% qurady. Aýdanymyzdyń úlesi oblys kóleminde 11,6%-dy qurap, 2-oryndy ıemdenip otyr. Atap aıtqanda, aýyl sharýashylyǵynda aýdandaǵy egis kólemi - 52 047 gektarǵa, qarqyndy baý kólemi - 455 gektarǵa jetti. Jylyjaı kólemi 7,1 ga jerge salynyp, jalpy kólemi 45,9 gektardy qurady. Búgingi kúnge jylyjaılardyń 1 aınalymynan jalpy 3,9 myń tonna ónim óndirilgen», - dedi Ulasbek Sádibekuly.








Joǵary qaraı