Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Saıram aýdanynda bilimge jaýapty bólim basshysy men mektep dırektory paramen ustaldy

2021 jyldyń 20 qazan 2021 12:01

TÚRKІSTAN. QazAqparat - Túrkistan oblysy, Saıram aýdanynda adamı áleýetti damytý bóliminiń basshysy men mektepterdiń biriniń dırektory asa iri kólemde para alý kezinde qolǵa tústi.

Kúdiktiler ýaqytsha tergeý abaqtysyna qamalyp, tergeý sharalary júrgizilýde, dep habarlaıdy QazAqparat tilshisi.

Túrkistan oblysynyń mamandandyrylǵan tergeý sotynyń málimetinshe, mektep dırektory jergilikti turǵyndy jumysqa qabyldaý úshin 800 myń teńge kóleminde para alǵan. Qomaqty qarajattyń jartysyn aýdandyq bilim bólimi basshyna jetkizip bergen. Osy kezde ekeýi de quzyrly organ ókilderiniń qolyna tústi. Qazirgi tańda Túrkistan oblysynyń mamandandyrylǵan tergeý soty qos birdeı bilim salasy ókilderin eki aıǵa qamaý týraly sanktsııa shyǵardy.

«Saıram aýdanynyń bilim bóliminiń bastyǵy men mektep dırektoryna qatysty qylmystyq is qaralyp, eki aı merzimge sanktsııa berildi. Olarǵa qatysty Qylmystyq kodekstiń 366 baby 3-shi bóliginiń 2-shi tarmaǵymen qylmystyq is qozǵaldy. Qazirgi kezde sottyń qaýlysy zańdy kúshine engen joq. Taraptar shaǵym keltirip, appelıatsııalyq sotqa joldandy»,- deıdi Túrkistan oblysynyń mamandandyrylǵan tergeý sotynyń sýdıasy Ábdýáli Qosmuratov.


Joǵary qaraı