Aýa raıy
Astana -11 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Saılaýda múgedekterdiń daýys berýine jaǵdaı jasalady – OSK

2020 jyldyń 29 qazan 2020 19:41

NUR-SULTAN. QazAqparat – QR Ortalyq saılaý komıssııasy 2021 jyly 10 qańtarda ótetin QR Parlamenti jáne máslıhattary depýtattarynyń kezekti saılaýyndaǵy múmkindigi shekteýli azamattardyń saılaý quqyqtaryn qamtamasyz etý máselelerin talqylady, dep habarlaıdy QazAqparat tilshisi.

Ortalyq saılaý komıssııasynyń tóraǵasy Berik Imashevtyń aıtýynsha, 2018 jyly QR «Saılaý týraly» Konstıtýtsııalyq zańynda múmkindigi shekteýli azamattardyń saılaý quqyqtaryn qamtamasyz etý jónindegi normalar alǵash bekitilgen.

Bul jańa engizilim 2015 jylǵy 20 aqpanda Qazaqstan ratıfıkatsııalaǵan BUU múgedekterdiń quqyqtary týraly konventsııasyn iske asyrý maqsatynda ázirlendi jáne Adam quqyqtaryn qorǵaý jónindegi halyqaralyq qujattarǵa sáıkes keltirýge baǵyttalǵan.

«Endi konstıtýtsııalyq zańda múmkindigi shekteýli azamattardyń saılaý ýchaskelerine kedergisiz qol jetkizý men onda daýys berýdi qamatmasyz etý boıynsha normalar kózdelgen. Ortalyq saılaý komıssııasy zańnamadaǵy ózgeristerdi iske asyrý úshin normatıvtik qujattar qabyldady. Bul jańa engizilimde qoǵamdyq birlestikter, azamattyq qoǵam jáne úkimettik emes uıymdar sektor ókilderiniń oń pikirine ıe bolǵanyn atap ótkim keledi. 2017 jyly OSK janynan múgeldekterdiń saılaý quqyqtaryn qamtamasyz etý jónindegi jumys toby quryldy. Múmkindigi shekteýli azamattardy kóbirek habardar etý maqsatynda aldaǵy saılaý jóninde aqparattyq-túsindirý rolıkteri sýroaýdarmasymen birge daıyndalýda. Bul praktıka 2019 jylǵy Prezıdent saılaýynda da bolǵan», - dedi Berik Imashev Ortalyq saılaý komıssııasynyń otyrysynda.

Otyrys sońynda Ortalyq saılaý komıssııasy jergilikti atqarýshy organdarǵa qajetti jaǵdaılarmen qamtamasyz etýdi usyndy. Avtokólikke arnalǵan turaqtar, taıanyshtar, pandýstar, tósemder, lıftiler, taktıldi kórsetkishter, jasyryn daýys berýge arnalǵan arnaıy quraldar bolýy qajet.

Qulaǵynyń múkisi bar saılaýshylar úshin jergilikti atqarýshy organdardyń, qoǵamdyq birlestikterdiń kómegimen sýrdoaýdarmashylar, tıflosýrdo-aýdarmashylar tartylýy múmkin.

Jergilikti atqarýshy organdar saılaý naýqandary kezeńinde mátindik faıldardy dybystyq nemese taktıldi sıgnaldarǵa aınaldyratyn ekrandyq qol jetkizýdiń kompıýterlik baǵdarlamalary ornatylǵan arnaıy jabdyǵy (tıflotehnıkalyq quraldar) bar zaǵıptar, túzetý mektepteri, múgedekterdiń qoǵamdyq uıymdary úshin kitaphanalardyń tehnıkalyq múmkindikterin paıdalaný boıynsha saılaý komıssııalaryna járdem kórsetýi qajet.

Ortalyq saılaý komıssııasy men qoǵamdyq uıymdar arasynda: «Qazaqstan múgedekter konfederatsııasy» respýblıkalyq qoǵamdyq birlestigi, «Qazaq sańyraýlar qoǵamy» respýblıkalyq qoǵamdyq birlestigi, «Qazaq soqyrlar qoǵamy» qoǵamdyq birlestigi, «Shyraq» múgedek áıelder qaýymdastyǵy» qoǵamdyq birlestigi arasynda múmkindigi shekteýli azamattardyń saılaý quqyqtaryn iske asyrý máseleleri boıynsha yntymaqtastyq týraly memorandýmdarǵa qol qoıylǵan.


Joǵary qaraı