Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Saılaýda qatań beıtaraptyq tanytamyz - Tólegen Kúnádilov

2021 jyldyń 23 shilde 2021 12:49

NUR-SULTAN. QazAqpara - Partııalyq emes baıqaý ortalyǵy ákim saılaýynyń aldyndaǵy daıyndyqtaryn qorytyndylady, dep habarlaıdy QazAqparat tilshisi.

25 shildede ótetin ákim saılaýyna «Partııalyq emes baıqaý ortalyǵy» respýblıkalyq qoǵamdyq birlestiginiń ókilderi beıtarap baıqaýshy retinde qatyspaqshy. Uıymnyń tóraǵasy Tólegen Kúnádilov BAQ ókilderine saılaýǵa daıyndyq qalaı júrgeni týraly málimet berdi.

«Osy saılaýǵa baqylaýshy uıym retinde qatysqandaǵy basty mindetimiz –azamattardyń erik bostandyǵynyń buzylýyna jol bermeý. Qazirgi kezde ortalyq pen óńirdegi fılıaldary baqylaýshylar pýlyn jasaqtap boldy. Oqytý jumystary aıaqtaldy. 30-dan astam onlaın semınar ótkizdik. Qoǵamdyq baıqaýdy barynsha tıimdi paıdalaný úshin oqytý naýqanyn eń úzdik halyqaralyq standarttar sheńberinde uıymdastyrdyq. Saılaý naýqanynyń kúrdeli ekenin biz túsinemiz. Baıqaý kezinde saılaý zańnamasynyń búkil erekshelikterin jetik biletin jáne ózin baıqaýshy retinde quqyqtary men mindetterin tolyqtaı jáne naqty túsinetin adamdarǵa súıenemiz. Bul saılaýǵa ádil jáne obektıvti baǵa berýge múmkindik beredi», - dedi «Partııalyq emes baıqaý ortalyǵy» respýblıkalyq qoǵamdyq birlestiginiń tóraǵasy.




Ortalyq óz baıqaýshylaryn osy naýqanǵa arnap daıyndalǵan erekshe bloknotpen jabdyqtap otyr.

«Saılaý úrdisiniń barlyq erekshelikterin eskeretin baıqaýshynyń bloknotyn ázirlep, baıqaýshylardyń bárine tapsyrdy. Saılaý kúni zańbuzýshylyq anyqtalsa, sol bloknotqa tirkep otyrady. Baıqaýshylardyń bárine saılaý ýchaskelerine kirýge qajet qujattar berildi. Daıyndyq 100 paıyz dep aıtýǵa bolady. Bizdiń basqa baıqaýshylardan ereksheligimiz – qatań beıtaraptyq tanytamyz. Eshqandaı partııa ókilderine bolsyn, memleket bıligine bolsyn, qandaı da bir saılaý ýchaskesiniń komıssııa múshelerine bolsyn, bárine qatań túrde beıtarap ustanymda bolamyz. Zańnamalyq turǵyda saılaý úderisin kedergi jasamaı, baıqaý júrgizemiz», - deıdi Tólegen Kúnádilov.

Onyń aıtýynsha partııalyq emes baýqashylardyń jumysyna 95 úkimettik emes uıym seriktes retinde atsalysady.




«Saılaý ótetin ýchaskelerdiń bárinde bizdiń baıqaýshylar bolady. Zańnama boıynsha ár ýchaskede belgili bir uıymnan bir baıqaýshy bolýy kerek. Biz daıyndaǵan boknottyń ereksheligi – onda saılaý úrdisine qatysty zańnamalyq normalardyń siltemeleri tolyq engizilgen. Saılaý kezinde zań buzylsa, bloknottan zańnyń siltemesin qarap, bloknotta berilgen aktini toltyrý arqyly tirkep otyrady. Bul baıqaýshynyń saılaý kezinde zańdardy aqtaryp, áýrelenbeýi úshin jasalyp otyr. Saılaý zańnamasy boıynsha árbir baıqaýshy óziniń eskertýlerin naqtyly faktilermen dáleldeý arqyly júzege asyra alady. Bloknot baıqaýshynyń osy turǵyda óz jumysyn tolyqqandy iske asyrýyna kómektesedi. Bul boknottyń elektrondy nusqasy da bar. Biraq saılaý kezinde baıqaýshylar qaǵaz nusqasyn paıdalanady», - dedi ortalyq basshysy.

Uıym ókilderi saılaý ótkennen keıin onyń qorytyndysyn arnaıy baıandama nemese esep túrinde rásimdeıtinderin de aıtty.

«Saılaý ótkennen keıin dúısenbi kúni qorytyndylap, eger zańbuzýshylyqtar tirkelse, solardyń sapasyna, mańyzdylyǵyna qarap quzyrly organdarǵa jiberemiz. Kerek bolsa, halyqaalyq uıymdarǵa jiberýge de daıynbyz», - dedi Tólegen Kúnádilov.


Joǵary qaraı