Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Saılaý týraly zańnamaǵa ózgerister engiziledi – Memleket basshysy

2021 jyldyń 25 aqpan 2021 13:20

NUR-SULTAN. QazAqparat – Saılaý týraly zańnamaǵa engiziletin barlyq ózgerister men tolyqtyrýlar pysyqtalyp jatyr. Bul týraly Ulttyq qoǵamdyq senim keńesiniń besinshi otyrysynda QR Prezıdenti Qasym-Jomart Toqaev málim etti, dep habarlaıdy QazAqparat tilshisi.

«Saılaý týraly zańnamaǵa engiziletin barlyq ózgerister men tolyqtyrýlar pysyqtalýda. Tıisti zań aldaǵy ýaqytta qabyldanady. Sodan keıin ǵana kentterdiń, aýyldar men aýyldyq okrýg ákimderiniń tikeleı saılaýyna qajetti barlyq normatıvtik-quqyqtyq negiz tolyǵymen qalyptasty dep aıta alamyz. Biraq, biz munymen shektelip qalmaımyz. Kelesi mańyzdy qadam – aýdan ákimderiniń tikeleı saılaýy», - dedi Memleket basshysy.

Aıta keteıik, búgin Prezıdent qazir biz kentterdiń, aýyldar men aýyldyq okrýgterdiń ákimderin tikeleı saılaýǵa daıyndyq júrip jatqanyn atap ótti.

«Saılaý bıyl shamamen tamyz-jeltoqsan aılary arasynda ótedi. Osy jyly 786 aýyl ákiminiń ókilettigi aıaqtalady», - dedi Q. Toqaev.

Budan buryn habarlanǵandaı, Prezıdent aýdan ákimderiniń tikeleı saılaý 2024 jyly ótkizý kerek dep sanaıtynyn aıtty.



Joǵary qaraı