Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Saılaý: QR OSK «Nur Otan» partııasynyń partııalyq tizimin tirkedi

2020 jyldyń 2 jeltoqsan 2020 15:59

NUR-SULTAN. QazAqparat - Búgin QR Ortalyq saılaý komıssııasynyń otyrysynda Májilis depýtattarynyń kezekti saılaýyna «Nur Otan» partııasynyń partııalyq tizimin tirkeý týraly qaýly qabyldandy, dep habarlaıdy QazAqparat tilshisi.

QR OSK múshesi Asylbek Smaǵulovtyń aıtýynsha, «Qazaqstan Respýblıkasyndaǵy saılaý týraly» Konstıtýtsııalyq zańnyń 89-babyna sáıkes bir saıası partııadan tizimge engizilgen adamdardyń sany saıası partııalar arasynda bólinetin depýtattyq mandattardyń belgilengen sanynan 30 paıyzǵa aspaıtyn bir ǵana tizimdi tirkeýge jol beriledi. Partııalyq tizimde áıelder men 29 jasqa tolmaǵan adamdardyń sany oǵan engizilgen adamdardyń jalpy sanynyń keminde 30 paıyzyn quraýǵa tıis.

«Nur Otan» partııasynyń partııalyq tiziminde 126 adam bar. 40 áıel jáne 29 jasqa tolmaǵan adamdar engizilgen. Bul tizimge engizilgenderdiń jalpy sanynyń 31,7 paıyzyn quraıdy. Ýákiletti organdar usynǵan málimetter negizinde Ortalyq saılaý komıssııasy Májilis depýtaty bolyp saılaný úshin partııalyq tizimge engizilgen adamdardyń Konstıtýtsııa men «Saılaý týraly» Konstıtýtsııalyq zańnyń talaptaryna sáıkestigine tekserý júrgizdi. Partııalyq tizimge engizilgen barlyq adamdar Konstıtýtsııanyń jáne «Saılaý týraly» Konstıtýtsııalyq zańnyń talaptaryna sáıkes keledi», - dedi ol.

Osyǵan baılanysty Ortalyq saılaý komıssııasynyń músheleri «2021 jylǵy 10 qańtarǵa taǵaıyndalǵan Qazaqstan Respýblıkasy Parlamenti Májilisi depýtattarynyń kezekti saılaýyna «Nur Otan» partııasynyń partııalyq tizimin tirkeý týraly» qaýly qabyldady.


Joǵary qaraı