Aýa raıy
Astana -11 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Sáıkestik sertıfıkatyn zańsyz úlestirýdiń 15 faktisi anyqtaldy

2020 jyldyń 24 qarasha 2020 12:10

NUR-SULTAN. QazAqparat - Qarjy monıtorıngi komıteti sáıkestik sertıfıkatyn zańsyz satýdyń 15 faktisin anyqtady, dep habarlaıdy QazAqparat.

Qarjy monıtorıngi komıteti Qazaqstan Respýblıkasynyń aýmaǵynda sáıkestik sertıfıkatyn zańsyz usynýmen aınalysatyn kompanııalardyń qyzmetin toqtatý maqsatynda keń aýqymdy jedel sharalardy júzege asyryp jatyr.

Taldaý kórsetkendeı, búgingi tańda sertıfıkatty zańsyz satý el aýmaǵynda keń taraǵan.

Sertıfıkattalmaǵan taýarlardyń, sonyń ishinde balalarǵa arnalǵan zattardyń, qurylys salasynyń taýarlary men azyq-túlik ónimderiniń quramynda ýly zattar, sonymen birge, olar ekologııalyq taza emes jáne zııandy bolýy múmkin.

Sertıfıkattaýdyń negizgi maqsaty – azamattardyń ómiri men densaýlyǵy úshin ónimderdiń, protsesterdiń, jumystar men qyzmetterdiń qaýipsizdigin qamtamasyz etý, sondaı-aq, tutynýshylardyń múddesin qorǵaý.

Alaıda keıbir áreketshil kompanııa basshylary qarapaıym adamdardyń múddesin eskermeı, osy mańyzdy salany óziniń «paıda tabý kózine» aınaldyrǵan.

Tergeý barysynda anyqtalǵandaı, bul sertıfıkattar zerthanalyq zertteýdi júrgizbesten berilgen. Al sertıfıkat jazyp berý úshin kásipkerler para alyp otyrǵan.

Az ýaqyt ishinde sertıfıkat satýdyń 15 júıeli faktisi anyqtaldy. Barlyq derekterge qatysty kommertsııalyq satyp alý, basqasha aıtqanda kásipkerlik salasynda para alý faktileri boıynsha qylmystyq is qozǵalǵan.

Astyrtyn sertıfıkat satý faktileri elordada, Almaty, Shymkent qalalarynda, Aqmola, Shyǵys Qazaqstan, Pavlodar, Batys Qazaqstan, Qostanaı jáne Túrkistan oblystarynda anyqtaldy.

Bul baǵyttaǵy jumys erekshe baqylaýǵa alynǵan.

Ókiletti organǵa sertıfıkattardy zańsyz satqan kompanııalarǵa qatysty ruqsat qujattaryn qaıtaryp alý týraly usynym engiziledi.

Qarjy monıtorınginiń málimetinshe, jalǵan sertıfıkat bergeni úshin 5 jylǵa bas bostandyǵynan aıyrý jazasy qarastyrylǵan.


Joǵary qaraı