Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Saıasattanýshy: Sadyr Japarovtyń sapary Qazaqstanmen strategııalyq áriptestikti nyǵaıtýǵa baǵyttalǵan

2021 jyldyń 2 naýryz 2021 17:00

NUR-SULTAN. QazAqparat - Qyrǵyzstan prezıdenti Sadyr Japarovtyń sapary Qazaqstanmen strategııalyq áriptestik pen odaqtastyqty nyǵaıtýǵa baǵyttalǵan. Qazaqstan strategııalyq zertteýler ınstıtýty dırektorynyń orynbasary Sanat Kóshkimbaev osylaı deıdi.

«Kóktemniń basy Qazaqstan astanasynyń saıası kúntizbesindegi mańyzdy oqıǵamen tuspa-tus keldi. 2021 jylǵy 2-3 naýryzda Qazaqstan prezıdenti Qasym-Jomart Toqaevtyń shaqyrýymen Qyrǵyzstan basshysy Sadyr Japarovtyń Qazaqstanǵa alǵashqy memlekettik sapary ótýde. Qazaqstan Prezıdenti birinshi bolyp Sadyr Japarovty Qyrǵyzstan basshysy laýazymyna saılanýymen quttyqtap, elimizge memlekettik saparmen kelýge shaqyrdy. Qyrǵyz prezıdentiniń Ortalyq Azııa elderiniń ishinde alǵashqy saparynyń Qazaqstannan bastalýy Bishkek úshin Nur-Sultanmen strategııalyq áriptestik pen odaqtastyq qatynastardy nyǵaıtýdyń mańyzdylyǵyn bildiredi. Sapar aıasynda nátıjeli ekijaqty kelissózder júrgizildi. Qazaqstannyń Qyrǵyzstanmen jan-jaqty yntymaqtastyǵy buǵan deıin qol qoıylǵan 180 qujat, onyń ishinde 1997 jylǵy Máńgilik dostyq týraly shart jáne 2003 jylǵy odaqtastyq qatynastar týraly shart negizinde damýda» dep atap ótti Sanat Kóshkimbaev.

Onyń aıtýynsha, Qazaqstan Qyrǵyzstannyń turaqtylyǵy men órkendeýine, baýyrlas memleketpen syndarly dıalog pen kópjosparly yntymaqtastyqty jalǵastyrýǵa óte múddeli.

Shyn máninde, qyrǵyz kóshbasshysy atap ótkendeı, bizdiń elderimizdiń ekijaqty kún tártibinde sheshilmeıtin máseleler joq.

Qazaqstan Qyrǵyzstannyń (Qytaı jáne Reseımen qatar) negizgi saýda-ekonomıkalyq jáne ınvestıtsııalyq seriktesteriniń biri bolyp qala beredi. 2020 jyldyń qorytyndysy boıynsha eki el arasyndaǵy taýar aınalymy 800 mln qurady.

2019 jylmen salystyrǵanda, koronakrızıske baılanysty (856 mln) saýda aınalymynyń birshama tómendeýi oryn aldy.

Eki el saýda-ekonomıkalyq kooperatsııany qalpyna keltirip, ulǵaıtqysy keletini anyq.

«Qazaqstannyń Qyrǵyzstanǵa eksportynyń negizgi bóligi metall buıymdary, tas kómir, ósimdik ónimderi, turmystyq tehnıka, un, astyq jáne kondıterlik ónimder bolyp tabylady. Qazaqstan Qyrǵyz Respýblıkasynan negizinen aýyl sharýashylyǵy ónimderin, toqyma ónimderin, kendi, qyzdyrý shamdaryn, jemister men kókónisterdi ımporttaıdy. Qazirgi ýaqytta qyrǵyz tarapy qazaqstandyq elektr energııasynyń ımporty týraly máseleni qarastyrýda. Bizdiń elimiz kórshi elge 1 mlrd mkVt-qa deıin elektr energııasyn eksporttaýǵa daıyn. Elimizdiń ınvestıtsııalyq belsendiligi týraly eske salǵan jón. Qazaqstan 2005 jyldan bastap Qyrǵyzstanǵa jalpy shamamen 1 mlrd. dollar ınvestıtsııalady, atap aıtqanda, taý-ken jáne kommýnıkatsııa salasyna eleýli salymdar salyndy» deıdi Qazaqstan strategııalyq zertteýler ınstıtýty dırektorynyń orynbasary.

Sanat Kóshkimbaevtyń sózine sensek, Qazaqstan men Qyrǵyzstan óńirlik jáne halyqaralyq kún tártibindegi negizgi máseleler boıynsha ortaq múddeler men uqsas ustanymdardy biriktiredi.

Eki memleket te Eýrazııalyq ekonomıkalyq odaqqa, ShYU-ǵa múshe, AÓSShK protsesiniń jáne osy jyly Qyrǵyzstanda rotatsııa quqyǵy boıynsha ótýi tıis Ortalyq Azııa memleketteri basshylarynyń Turaqty konsýltatıvtik kezdesýleriniń belsendi qatysýshylary bolyp tabylady.

Sonymen qatar, qazirgi jaǵdaıda Qazaqstan men Qyrǵyzstannyń koronavırýstyq pandemııamen kúrestegi ózara is-qımylyn nyǵaıtý asa mańyzdy.

«Esterińizge sala keteıin, 2020 jyldyń sáýir aıynda Qazaqstan Prezıdenti Q.K. Toqaev Ortalyq Azııa memleketterine «muqtaj elderdiń úkimetteri járdem suraǵan jaǵdaıda» gýmanıtarlyq kómek kórsetýge daıyn ekenin málimdedi. COVID-19 qarsy is-qımyldaǵy gýmanıtarlyq kómek sheńberinde Qazaqstan 2020 jyly Qyrǵyzstanǵa azyq-túlik qaýipsizdigin qamtamasyz etý maqsatynda 5 myń tonna un, 16 tonna medıtsınalyq júk, onyń ishinde ókpeni jasandy jeldetýdiń 400 mobıldik apparattarynyń jıyntyǵy jáne jalpy quny 389 mln teńge bolatyn Qazaqstanda jasalynǵan 2 mln medıtsınalyq maskasyn jiberdi. Qyrǵyz kóshbasshysy Sadyr Japarovtyń el Prezıdenti retindegi QR-ǵa alǵashqy memlekettik sapary - Qyrǵyzstannyń Qazaqstanmen ózara tıimdi yntymaqtastyq pen strategııalyq seriktestikti nyǵaıtýǵa beıildiliginiń kórsetkishi. Jemisti sapardyń qorytyndysy boıynsha qol jetkizilgen ekijaqty ýaǵdalastyqtar baýyrlas memleketterdiń saýda-ekonomıkalyq saladaǵy, óńirlik qaýipsizdik pen turaqtylyqty nyǵaıtý salasyndaǵy ózara tıimdi yntymaqtastyǵyna jańa serpin beretini sózsiz» dep túıindedi Sanat Kóshkimbaev.


Basty sózder: Qoǵam, Qyrǵyzstan,
Joǵary qaraı