Aýa raıy
Astana -13 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Saıasattanýshy Parlamentke ótýge múmkindigi joǵary úsh partııany atady

2020 jyldyń 21 qazan 2020 12:36

NUR-SULTAN. QazAqparat – Saıasattanýshy Danııar Áshimbaev Parlamentke ótýge múmkindigi joǵary úsh partııany atady, dep habarlaıdy QazAqparat tilshisi.

«Birinshiden, saılaý óz ýaqytynda ótedi – Májilistiń quzyreti kelesi jyldyń naýryz aıynda aıaqtalady da, Parlamenttiń tómengi palatasynyń jumysy jalǵasa beredi. Buǵan deıin saılaýdyń ótetini jaıly jeltoqsannyń sońyna qaraı belgili bolatyny týraly boljamdar aıtylyp edi. Alaıda olaı bolmaı shyqty. Aıtpaqshy Qazaqstan tarıhynda josparly saılaýdan qaraǵanda merziminen buryn ótetin saılaýlar kóp bolypty. Jalpy Prezıdent saılaýynyń da merziminen buryn ótýiniń de eshqandaı «tragedııasy» joq. Merzim bul rette kóp uzaq bolǵan emes, álemdik tájirıbege saı bılik saılaý úshin eń yńǵaıly ýaqytty tańdap otyrdy», - dep jazady saıasattanýshy Facebook paraqshasynda.

Danııar Áshimbaevtyń aıtýynsha 7-shi Májiliske úsh parlamenttik partııanyń, atap aıtqanda «Nur Otan», «Aq jol» jáne QHKP-nyń ený múmkindigi joǵary.

«Nelikten bulaı oılaıtynymdy túsindireıin. «Nur Otan» partııasy – qansha aıtqanmen ortalyq ári Nazarbaevtyń partııasy, turaqtylyq pen kelisim baǵdary. Qazirgi jaǵdaıda kórshi memleketterdegi jaǵdaıdy esepke ala otyryp, bul qundylyqtardyń bizdiń qoǵamǵa kerektigin túısinesiń. Praımerız boıynsha kampanııa «Nur Otan» partııasy kandıdattyq korpýsty jańartyp, debattardyń tájirıbesine ıe bolyp, ashyq kampanııaǵa daıyn ekenin aıǵaqtap berdi. «Aq jol» men QHKP da keıingi jyldary belsendilikterin arttyra tústi. Elektoratpen jumys júrgizip, barlyq alańda ózderin tanyta bildi. Qalǵan partııalar týraly aıtar bolsaq, olar kózge kórinbedi de. Sol sebepti saılaý 2020 jyldyń jeltoqsan pen 2021 jyldyń qańtar aılarynda ótedi. Bárinde de daıyndalyp alarlyq ýaqyt boldy. Jańa partııalardy tirkeýdi jeńildetetin normalar qabyldandy. Parlamenttik oppozıtsııa mártebesi týraly zańǵa ózgeristerdi engizildi», - deıdi ol.

Saıasattanýshy sonymen qatar jastar men áıelderge kvota berý, partııalyq tizim boıynsha máslıhat saılaýyn ótkizý sharýalary kúrdeli emestigin jetkizdi.

Eske sala ketsek búgin Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalaǵan bolatyn.

«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndalady. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy», - dedi Prezıdent úndeýinde.



Avtor Aıan Bekenuly
Basty sózder: Saılaý, Parlament, Saılaý-2021,
Joǵary qaraı