Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Saıasattanýshy Elbasynyń elordada bolýyna qatysty aqparatqa pikir bildirdi

2022 jyldyń 8 qańtar 2022 22:01

NUR-SULTAN. QazAqparat – Saıasattanýshy Danııar Áshimbaev QR Tuńǵysh Prezıdenti – Elbasy Nursultan Nazarbaevtyń elordada bolýyna qatysty aqparatqa pikir bildirdi, dep habarlaıdy QazAqparat.

«Nazarbaev astanada ekeni týraly, onyń bılikke oralýyna qatysty da málimdemeni keıbir adamdar birjaqty qabyldady. Nursultan Nazarbaev óz laýazymdaryn (Qazaqstan halqy Assambleıasyn, Qaýipsizdik keńesi, «Nur Otan») Memleket basshysy Qasym-Jomart Toqaevqa bergeni belgili. Elbasy astanada ekeni týraly aqparat, onyń elden qashyp ketpegenin jáne óz halqymen birge ekenin bildiredi. Tuńǵysh Prezıdenttiń qyzmetin biryńǵaı negatıvti qabyldaý kerek dep sanamaımyn. Ol ózge de basshylar sııaqty qatilikterge jol berdi. Biraq naq onyń eńbegimen eldiń táýelsizdigi, onyń halyqaralyq moıyndalýy, ekonomıkalyq jáne saıası reformalar qamtamasyz etildi, ultaralyq jáne konfessııaaralyq turaqtylyq pen kelisim qamtamasyz etildi», - dedi D.Áshimbaev.

Saıasattanýshy sondaı-aq, elde búlik shyǵarǵan sodyrlarǵa qatysty aıtyp ótti.

«Sodyrlardyń Qazaqstanǵa shabýyly beıbitshilik pen kelisimge, Qazaqstan halqyna, Nazarbaev júrgizip kelgen saıasatqa qarsy baǵyttalǵanyn túsiný kerek.

Tarıhymyzdyń bul aýyr kezeńinde Prezıdent Toqaevtyń elimizdiń beıbit bolashaǵy men turaqty damýy úshin terrorızmmen jáne ekstremızmmen kúres boıynsha kúsh-jigeri aınalasynda yntymaqtasý mańyzdy», - dep túıindedi spıker.


Joǵary qaraı