Aýa raıy
Astana -13 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Sátbaevta mýzykalyq aspap jasaıtyn tseh ashyldy

2020 jyldyń 22 qazan 2020 04:18

SÁTBAEV. QazAqparat – Sátbaev qalasynyń turǵyny Ábilqasym Baıbulanov óziniń hobbıin tabys kózine aınaldyrdy. Ol «Bıznestiń jol kartasy-2020» baǵdarlamasymen grant jeńip alyp, ulttyq mýzykalyq aspaptar daıyndaý tsehyn ashty.

Sheber qobyz ben dombyra adamnyń sezimi men oı órisiniń barlyq qyr-syryn jetkize alatynyna senimdi. Ábilqasym stýdenttik jyldardan beri mýzykalyq aspap jasaýǵa qyzyǵýshylyq tanytyp keledi.

«Alǵashqy klıentter óz balalarym men týystarym boldy. Men qyzyma arnalǵan alǵashqy dombyramdy aǵashtan jasap, sodan keıin kádesyı, ulttyq naqyshtaǵy ydys-aıaq jasap, týystaryma syıǵa tarttym», - dep eske alady sheber.

Instıtýtty bitirgen soń Ábilqasym jubaıymen birge Sátbaevqa jiberilip, ol jerde 20 jyldan astam shahtada geolog bolyp jumys istedi.

«Osy jyldar ishinde men hobbıim týraly umytqan joqpyn, ózime, týystaryma jáne tapsyrys boıynsha quraldar jasadym. Osy jyldar ishinde shahterlik eńbek densaýlyǵyma áser etti, sondyqtan jubaıymmen aqyldasa otyryp, ulttyq naqyshtaǵy dombyra, qobyz, kádesyı jáne aǵash ydys jasaaıtyn tseh ashýdy uıǵardym», - deıdi sheber.

2018 jyly «Atamura» jeke kásipkerligi tirkelip, «Bıznestiń jol kartasy - 2020» memlekettik baǵdarlamasy boıynsha grant konkýrsyna qatysqan. Onyń qarajatyna aǵash óńdeý jáne tegisteý mashınasyn, jumys quraldary men kerek-jaraqty satyp alǵan.

«Qobyz úshin men ádette arsha, úıeńki, qaraǵaı nemese qaıyńnyń dińin qoldanamyn. Dombyraǵa qatty aǵashtar - Afrıka elderinde ósetin úıeńki, qaraǵaı nemese qara aǵash qajet. Ár dombyrany maqsatyna (án nemese kúı úshin), kásibı nemese áýesqoılyq baǵytyna qaraı ártúrli etip jasaımyn. Úıeńkiniń úni aıqynyraq bolsa, qaıyń nemese balqaraǵaı jylylyq beredi. Men aǵashty tańdaýǵa muqııat qaraımyn, sebebi dybystyń tazalyǵy soǵan baılanysty bolady», - dep túsindiredi Ábilqasym.

Búgingi tańda sheberhanada eki adam jumys isteıdi jáne aı saıyn tórt dombyra men bir qobyz qolmen jasalady.

«Biz tsehymyzdy keńeıtip, Qaraǵandy oblysynyń mýzykalyq mektepterin óz aspaptarymyzben qamtamasyz etkimiz keledi», - dedi kásipkerdiń jubaıy Nazym Baıbulanova.

Aıta ketý kerek, «Atamura» jyl saıyn Nur-Sultan qalasynda ótetin otandyq taýar óndirýshilerdiń ULTTYQ ÓNIM kórmesine qatysady.


Joǵary qaraı