Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Sátbaev qalasynda turǵyndardy saýyqtyrýdyń pılottyq baǵdarlamasy júzege asýda

2020 jyldyń 26 qarasha 2020 10:51

QARAǴANDY. QazAqparat - Qaraǵandy oblysy monoqala turǵyndaryn saýyqtyrý boıynsha aýqymdy baǵdarlamany iske asyryp jatqan elimizdegi alǵashqy oblys bolady, depe habarlaıdy QazAqparat oblys ákimdiginiń saıtyna silteme jasap.

Baǵdarlamany halyqaralyq deńgeıdegi táýelsiz sarapshylardyń zertteýine tapsyrys bere otyryp, «Qazaqmys» korporatsııasy usyndy. Pılottyq jobany júzege asyrý úshin Sátbaev qalasy tańdaldy. Úsh jyl ishinde barlyq sharalardy júzege asyrýǵa shamamen 5,5 mlrd teńge qajet bolady. Ony memleket pen korporatsııa qarajatynan ortaq qarjylandyrý boljanyp otyr.

Qaraǵandy oblysynyń ákimdigi men kompanııa yntymaqtastyq týraly memorandýmǵa qol qoıdy. Kelisimge óńir basshysy Jeńis Qasymbek pen «Qazaqmys» korporatsııasy» JShS basqarma tóraǵasy Edýard Ogaı Jezqazǵandaǵy kezdesýde qol qoıdy.





«Qazaqstan jańa jaǵdaıda: is-qımyl ýaqyty» Joldaýynda el Prezıdenti monoqalalarǵa «ekinshi tynys» berýde qala qurýshy kásiporyndardyń mańyzdylyǵyn atap ótti. «Qazaqmys» bıznestiń áleýmettik jaýapkershiligi qaǵıdattaryna adaldyǵyn kórsete otyryp, oblys úshin mańyzdy máselelerdi sheshýge belsene qatysady. Kompanııa alǵashqylardyń biri bolyp Elbasynyń pandemııadan zardap shekkenderge kómek qoryn qurý týraly úndeýine jaýap berdi jáne dárigerlerge úlken qoldaý kórsetti. Korporatsııa kópbalaly otbasylardy turǵyn úımen qamtamasyz etti. Alda áli de kóptegen ıgi ister kútip tur», - dedi Jeńis Qasymbek.

Sátbaev turǵyndaryn saýyqtyrý baǵdarlamasy 2021 jyldyń qańtarynda bastalady. Qalada ǵylymı zertteýler, turǵyndar arasynda saýalnama júrgizildi. Sarapshylar medıtsınalyq uıymdardyń jaǵdaıyna jáne halyqtyń densaýlyǵyna áser etetin qaýip faktorlaryna tolyq taldaý jasady. Baǵdarlamany jasaýshylar barlyq taraptardyń: turǵyn, dáriger, jergilikti bıliktiń pikirin eskerdi.

Monoqalada qoljetimdi jáne sapaly medıtsınalyq kómek kórsetiledi. Basqa óńirge barmas úshin Satbaev qalasynda joq qyzmetter paıda bolýy kerek. Sondaı-aq, kúsh-jiger salaýatty ómir saltyn qalyptastyrýǵa jáne sol úshin jaǵdaı jasaýǵa baǵyttalady.

Qalanyń medıtsınalyq uıymdaryn jańa zamanaýı jabdyqpen jabdyqtaý josparlanýda. Medıtsına qyzmetkerleriniń biliktiligin arttyrý kýrstary uıymdastyrylady. Kadr máselesin jas mamandarǵa turǵyn úı berý arqyly sheshý kózdelip otyr.

Edýard Ogaı kompanııa Sátbaev qalasynda zamanaýı emhana qurylysyn qarjylandyrýǵa daıyn ekenin habarlady.

«Biz jumysshylardyń ómirin jaqsartý jáne laıyqty deńgeıdi qamtamasyz etý úshin Baǵdarlamaǵa qatysýǵa sheshim qabyldadyq. Shette qala almaımyz – ınfraqurylymdy damytýǵa qarjy salamyz. Aldaǵy úsh jylda nátıje kórinetin bolady dep oılaımyz», - dep málimdedi «Qazaqmys» korporatsııasy» JShS basqarma tóraǵasy.





Osyǵan uqsas baǵdarlamany Jezqazǵan men Balqashta ázirleý josparlanǵan.

Kezdesýde Jezqazǵan, Balqash, Sátbaev jáne Ulytaý aýdanynyń bes jyldyq turaqty áleýmettik-ekonomıkalyq damý baǵdarlamasynyń negizgi baǵyttary tanystyryldy. Ol da «Qazaqmys» korporatsııasymen birlesip iske asyrylýda. Kompanııa óz qarajatyn monoqalalardyń ınjenerlik jáne áleýmettik ınfraqurylymyn damytýǵa jumsaıdy. Bıýdjet qarajatyna 131 joba júzege asyrylýda. Olardyń ishinde sý qubyry, jylý jelilerin qaıta jańartý jáne gaz tartý, turǵyn úı qurylysy, shatyrlardy, qasbetter men joldardy jóndeý, qoǵamdyq oryndardy abattandyrý, apattyq úılerdiń problemalaryn sheshý jáne áleýmettik nysandardy jóndeý, qaýipsizdik jáne ekologııa máseleleri bar.





Joǵary qaraı