Aýa raıy
Astana -15 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Sátbaev qalasynda Qaraǵandy oblysyndaǵy alǵashqy termos-jylyjaı ashyldy

2020 jyldyń 1 jeltoqsan 2020 07:24

SÁTBAEV. QazAqparat – Sátbaev qalasynda Qaraǵandy oblysyndaǵy alǵashqy termos-jylyjaı ashyldy, dep habarlaıdy QazAqparat tilshisi.

Ol eki gektar jerde ornalasqan. Onyń janynda 600 tonna kókónis qoımasynyń qurylysy júrip jatyr. Qala ákimi Asqar Ydyrysov jańa ekotehnologııalarǵa negizdelgen keshende bolyp qaıtty.

Jylyjaı jer astyna topyraqtyń qatý deńgeıinen 2,5 metr tómen ornalastyrylǵan. Sonymen qatar, qurylym neǵurlym tereń ornalassa, ondaǵy temperatýra jyl boıyna soǵurlym turaqty bolady. Qysta sýyq emes, jazda ystyq emes.

Termos-jylyjaı eki jyl boıy salyndy. Joba avtory – jeke kásipker Tólesh Omarov. Óndiris qýattylyǵy – jylyna 35 tonna kókónis óndirisin quraıdy. Jeti jumys orny quryldy.

Keshende óziniń vermıfermasy bar, onda qaldyqtar kalıfornııalyq qurttardyń kómegimen organıkalyq tyńaıtqysh – bıogýmýsqa aınalady.




Jylyjaıdyń ashylýynda qala ákimi Asqar Ydyrysov jobany júzege asyrý tek qala úshin ǵana emes, oblys úshin de aýyl sharýashylyǵy ónimderiniń negizgi túrlerimen halyqty úzdiksiz qamtamasyz etý jáne kókónis baǵasyn tómendetý turǵysynan áleýmettik-ekonomıkalyq mańyzǵa ıe ekenin atap ótti.

Keshende qııardyń alǵashqy ónimi alyndy, onyń bir kelisi 450 teńgeden satylady. Al qala boıynsha olardyń ortasha quny 600-den 700 teńgege deıin.

Ázirge munda eki túrli qııar, qyzanaq jáne kók shóp ósiriledi. Qulpynaı ósirý josparlanyp otyr. Eksperıment retinde onyń birneshe suryptary qazan ydystarǵa otyrǵyzyldy. Ýaqyt óte kele banan ósirý kózdelýde.




«Bizdiń atqaryp jatqan jumysymyzdyń eń basty maqsaty – jylyjaı jaǵdaıynda ósirilgen ekologııalyq taza ónim óndirý», - dedi Tólesh Omarov.

Jobany «EkoObraz» QB Qazaqstanda BUUDB arqyly júzege asyrylatyn Jahandyq Ekologııalyq Qordyń shaǵyn granttar baǵdarlamasynyń qarjylyq qoldaýymen oryndady.








Joǵary qaraı