Aýa raıy
Astana -25 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Saryaǵashta júk kóligi joldan shyǵyp ketip, uzyn-sonar keptelis boldy

2020 jyldyń 20 qarasha 2020 00:11

SARYAǴASh. QazAqparat – Túrkistan oblysy, Saryaǵash aýdany aýmaǵyndaǵy respýblıkalyq mańyzy bar jolda kólik keptelisi oryn aldy. «Shymkent-Shynaz» tasjolynyń Jibek joly jáne Qablanbek aýyldyq okrýgteriniń aýmaǵynan ótetin bóliginde buzylyp qalǵan júk kóligi taıyp, joldy jaýyp qalǵan, dep habarlaıdy QazAqparat tilshisi.

Aýdan ákimdiginiń málimetinshe, qalyń qardyń saldarynan qysqy dóńgelekke aýysyp úlgermegen júrgizýshiler ábigerge túsken. Taǵy bir júk kólgi otalmastan, jolda turyp qalǵan. Respýblıkalyq mańyzy bar joldaǵy keptelisti rettep, joldy jaýyp qalǵan kólikti shetke shyǵarýǵa aýdannyń №14 órt sóndirý bóliminen ATs-5,5-40 órt sóndirý avtokóligi men 5 jeke kuramy, jol patrýldik polıtsııa qyzmetiniń 2 tehnıkasy men 6 qyzmetkeri jumyldyrylǵan. Jol saqshylary kólik qozǵalysyn rettese, aýdan ákimdigi men «QazAvtojol» mekemesiniń qyzmetkerleri jáne 2 KDM tehnıkasy qum sebý jumystaryn júrgizgen. Shuǵyl áreket etýdiń nátıjesinde eki kólik te joldan shyǵarylyp, kólik qozǵalysy qalpyna keltirilgen.


Avtor Aınur Aqbaeva
Basty sózder: Túrkistan oblysy, Oqıǵa, Kólik,
Joǵary qaraı