Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Saryaǵashta naýqastyń ólimine sebepshi bolǵan kardıolog dáriger sottaldy

2020 jyldyń 17 qarasha 2020 18:33

SARYAǴASh. QazAqparat - Túrkistan oblysynda tergeýshiler naýqasty emdeýde óreskel qatelikke jol bergen dárigerdiń isin dáleldep shyqty. Dárigerdiń salǵyrttyǵynan naýqas azamat jansaqtaý bóliminde kóz jumdy, dep habarlaıdy QazAqparat.

Túrkistan oblystyq polıtsııa departamentiniń málimetine sensek, 2019 jyly Saryaǵash aýdandyq polıtsııa bólimine jergilikti turǵyn aryzdanyp, aǵasynyń ólimine dárigerdiń kináli ekendigin aıtady.

Atalǵan jaıtty polıtseıler Qylmystyq kodekstiń 317-baby boıynsha birden tirkeýge alyp, tekserýdi bastaıdy. Іstiń kúrdeliligi eskerilip, aýdandyq polıtsııa bóliminen oblystyq polıtsııa departamenti tergeý basqarmasynyń óndirisine, ıaǵnı ondaǵy tájirıbeli maman Altynaı Jolymbekovaǵa júkteledi.

«Bul jaıtty tolyǵymen ashyp, naýqastyń ólimine neniń jáne kimniń sebep bolǵanyn anyqtaý ońaıǵa soqpady. Sebebi tarazynyń bir jaǵynda qaıtys bolǵan er azamattyń jaqyndary, bir jaǵynda dárigerdiń ómiri turdy. Olardyń jaqyndary tergeýdiń nátıjesin asyǵa kútti. Oqıǵa barysyn aıta keteıin, 2019 jyldyń qyrkúıeginde qalalyq aýrýhanaǵa naýqastanǵan er azamatty jedel járdem jetkizgen. Qabyldaý bólimine túsken turǵyndy qaraǵan dáriger oǵan em qabyldaýǵa ruqsat beredi. Jáne medbıkege nusqaý boıynsha naýqasqa tamyrdan ıne salýdy tapsyrady. Tıisti emnen soń ózin jaqsy sezingendeı bolǵan naýqas úıine qaıtady. Alaıda birneshe saǵattan soń ol úıinde dastarhan basynda otyryp, ózin jaısyz sezinip, qaıtadan aýrýhanaǵa jetkiziledi. Bul joly naýqas jansaqtaý bólimine tústi. Ol jerde esin jımastan qaıtys boldy» deıdi Altynaı Jolymbekova.

Saraptamalar taǵaıyndaldy. Oǵan qosa sarapshy mamandardyń qorytyndy shyǵarýyna biraz ýaqyt kerek boldy.

«Kýágerlermen sóılestim, jaýap aldym. Qajetti degen barlyq sharalardy júrgizdim. Birneshe aı ishinde aıǵaqty zattardy bólshekterden qurastyryp, jınaqtadym. Nátıjesinde isti aıyptaý aktisimen birge sotqa joldadym» dep atap ótti aǵa tergeýshi.

Osy jyldyń kúzinde sot sheshimimen dárigerge 1 jyl 6 aı merzimge deıin medıtsına salasynda qyzmetpen aınalysý quqyǵy shektele otyryp, bas bostandyǵynan aıyrý jazasy taǵaıyndaldy.

«Sońǵy 10 jylda Túrkistan oblysy tergeý basqarmasynyń tarıhynda mundaı jaıt kezdespegen edi» dep qorytyndylady sózin polıtsııa maıory Altynaı.


Basty sózder: Medıtsına, Sot, Túrkistan oblysy,
Joǵary qaraı