Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Saryaǵashta muǵalimderge golf alańyn tazalatyp qoıǵan mektep dırektory jumystan qýyldy

2021 jyldyń 14 qyrkúıek 2021 14:01

NUR-SULTAN. QazAqparat - Oqý jylynyń basynan beri Bilim jáne ǵylym salasynda sapany qamtamasyz etý komıtetine azamattardan 70-ke jýyq ótinish kelip túsken. Osyǵan baılanysty bilim salasynda sapany qamtamasyz etý departamentiniń qyzmetkerleri shara qabyldady, dep habarlaıdy QazAqparat.

Máselen, Túrkistan oblysy Saryaǵash aýdany B. Omarov atyndaǵy №50 mektep muǵalimderi mektep dırektorynyń mindetin atqarýshy olardy kýrorttyq aımaqta golf alańyn tazalaý jumysyna tartqanyn aıtyp shaǵymdandy.

Máseleniń mán-jaıy anyqtalǵannan keıin laýazymdy tulǵa qyzmetinen bosatyldy.

Túrkistan oblysynda balabaqsha tárbıeshisi qyzmetinen zańsyz bosatylǵan, alaıda ákimdiktiń bilim basqarmasy onyń quqyǵyn qalpyna keltirý boıynsha shara qabyldamaǵan.

Bilim salasynda sapany qamtamasyz etý jónindegi aýmaqtyq departamenti qyzmetkerleriniń aralasýynan keıin ǵana tárbıeshi burynǵy jumysyna qaıtyp oraldy.

Atyraý oblysynda pedagogıkalyq etıka erejelerin buzǵany úshin Q. Ahmedııarov atyndaǵy orta mekteptiń muǵalimi jumysynan bosatyldy.

Almaty oblysynda departament qyzmetkerleri muǵalimniń ótinishinen keıin shara qabyldady.

Ótinishte muǵalim bilim uıymdarynda aqsha jınaý jáne olarǵa tán emes fýnktsııalarǵa tartý faktileri týraly habarlaǵan.

Másele qaralǵannan keıin Tekeli qalasyndaǵy №6 orta mektebiniń dırektoryn qyzmetinen bosatý týraly sheshim qabyldanyp, osyǵan uqsas faktiler rastaldy.

Sonymen qatar Tekeli qalasy ákimdiginiń bilim bólimi basshysynyń m.a. tártiptik jaýapkershilikke tartý usynyldy.

Pedagogterdiń quqyqtary men zańdy múddeleriniń eń kóp buzylýy Túrkistan jáne Almaty oblystarynda baıqalady.

Sonymen qatar áleýmettik jelilerde ımmýnızatsııalaý sharalary boıynsha tizim jasaý týraly qujat jarııalandy.

Mundaı aqparatty jınaý jónindegi buıryq QR BǴM-men qarastyrylmaǵan.

Aýdandyq bilim bóliminiń basshysy tártiptik jaýapkershilikke tartyldy.

Aıta keteıik, QR Bilim jáne ǵylym mınıstriniń tapsyrmasy boıynsha ár oblysta pedagogıkalyq ádep jónindegi komıssııalar quryldy, olar pedagogterdiń quqyqtaryn buzý boıynsha ótinishter men faktilerdi jedel qaraıdy.


Basty sózder: Túrkistan oblysy, Mektep, Bilim, muǵalim,
Joǵary qaraı