Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Saryaǵashta halyqaralyq izdeýde júrgen qylmysker ustaldy

2021 jyldyń 3 naýryz 2021 05:45

SARYAǴASh. QazAqparat- Túrkistan oblysy Saryaǵash aýdanynda halyqaralyq izdeýde júrgen qylmysker ustaldy. Ol ótken jyly mal urlyǵyn jasap, jasyrynyp júrgen, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, kúdikti «Mal urysy» jedel-profılaktıkalyq is-sharasyn ótkizý barysynda qolǵa túsken.

Sondaı-aq, saryaǵashtyq polıtseıler mal urlyǵyn jasaǵan mal soıýshy men mal satyp alýshy sanatynda turǵan 5 adamdy ustaǵan.

Aýdan kóleminde mal urlyqtaryn boldyrmaý maqsatynda túngi ýaqytta polıtseılerden jedel mobıldi toptar qurylǵan.

Nátıjesinde qala shetindegi 120 mal qora tekserilip, mal tasymaldaýmen aınalysatyn 15 avtokólik qaralǵan.

«4 avtokóliktiń maldy qujatsyz tasymaldaǵany úshin QR ÁQBtK 406-babymen ákimshilik shara qoldaný maqsatynda aýdandyq veterınarııalyq qyzmetke joldandy. Budan bólek, «Mal urysy» jedel-profılaktıkalyq is-sharasy aıasynda Túrkistan oblysynyń polıtseıleri mal urlyǵy týraly túsindirý jumysyn júrgizýde» delingen habarlamada.


Avtor Aınur Aqbaeva
Basty sózder: Túrkistan oblysy, Zań, Oqıǵa,
Joǵary qaraı