Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sars-CoV-2 vırýsyn jasaýshylar anyqtaldy - feık

2021 jyldyń 21 jeltoqsan 2021 23:10

NUR-SULTAN. QazAqparat -Qaznette «COVID-19 jasaýshylary anyqtaldy» degen aqparat tarady. Bul Qazaqstandaǵy jańa bıozerthananyń qurylysy týraly baıandaıtyn jańalyqtar beınesıýjetinen úzindi. Shyn máninde, bul jańalyqtyń pandemııaǵa eshqandaı qatysy joq jáne COVID-19 aýrýyn týdyratyn Sars-CoV-2 vırýsynyń qoldan jasalǵanyn dáleldemeıdi,dep habarlaıdy stopfake.kz saıty.





Ótken aptada BAQ Qazaqstanda qaýipti jáne asa qaýipti shtammdar kollektsııasy úshin jańa bıozerthana men qoıma salý týraly habarlady.
Jobany ázirleýshi – QR Indýstrııa jáne ınfraqurylymdyq damý mınıstrligi. Vedomstvo mamandarynyń Sars-CoV-2 vırýsynyń paıda bolýyna eshqandaı qatysy joq. Birinshiden, Mınıstrlik vırýstardy zertteýmen aınalyspaıdy. Ekinshiden, bul patogen alǵash ret Qazaqstanda emes, Qytaıda tabylǵan. Úshinshiden, SARS-CoV-2 vırýsynyń tabıǵı jolmen paıda bolǵandyǵy dáleldengen, ony retsenzııalanǵan Nature jýrnalynda jarııalanǵan ǵylymı zertteý nátıjeleri rastaıdy.
Sonymen qatar, DDSU mamandarynyń delegatsııasy Ýhandaǵy zerthanada tergeý júrgizip, vırýstyń paıda bolýynyń yqtımal nusqalaryn, sonyń ishinde onyń zerthanadan syrtqa shyǵarylý múmkindigin qarastyrdy. Alaıda, bul teorııa rastalmady, bul týraly uıymnyń esebinde aıtylǵan.

Patogendi zertteý barysynda alynǵan basqa ǵylymı derekter de onyń zerthanada jasalǵanyna negiz bola almaıdy. Mundaı qorytyndylar retsenzııalanǵan The Lancet ǵylymı jýrnalynda jáne Science Direct ǵylymı portalynda jarııalandy.
Demek, bıozerthanany salý josparlary men SARS-CoV-2 koronavırýsynyń arasynda eshqandaı baılanys joq. Sondaı-aq, Qazaqstanda mundaı nysannyń qurylysy patogenniń qoldan jasalǵandyǵyn dáleldemeıdi.


Joǵary qaraı