Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sarapshy: qarashada koronavırýsqa shaldyqqan reseılikterdiń sany 1 mln-nan asýy múmkin

2021 jyldyń 12 qazan 2021 23:16

MÁSKEÝ. TASS QazAqparat - Koronavırýs ınfektsııasyn juqtyrǵan reseılikterdiń sany bir aıdan keıin, 10 qarashaǵa qaraı 1 mıllıon adamnan asýy múmkin, al anyqtalǵan jaǵdaılardyń kúndelikti sany 26,8 myńnan 35,8 myń aralyǵynda bolmaq. Bul týraly Peterbýrg memlekettik ýnıversıtetiniń kafedra meńgerýshisi Vıktor Zaharov málim etti, dep habarlaıdy QazAqparat TASS agenttigine silteme jasap.

Esepteýler avtorlary elde koronavırýstyń taralýynyń birneshe stsenarııin qarastyrýda. Eń pessımıstik boljam boıynsha, 10 qarashaǵa deıin naýqastardyń sany 1,04 mıllıon adamǵa jetedi, al eń optımıstik boljam - 920 myń.

Aýrýdyń jalpy sanynyń paıyzdyq ósimi 0,41% deńgeıine jetetin pessımıstik stsenarıı boıynsha indet juqtyrýdyń jańa jaǵdaılarynyń sany 1 qarashaǵa deıin táýligine 33 846 –ǵa, al 10 qarashaǵa qaraı 10 - 35 887 jaǵdaıǵa deıin ósedi.

«Aýrýǵa shaldyqqandar sanynyń tómendeýi úshin vaktsınatsııalanǵan adamdardyń sany qazirgiden áldeqaıda kóp bolýy qajet», - dedi Zaharov.

Pandemııa bastalǵaly álemde 238,3 mıllıonǵa jýyq adam koronavırýs juqtyrdy, 4,8 mıllıonnan astam adam qaıtys boldy. Reseıde, koronavırýspen kúres jónindegi federaldy jedel shtabtyń málimeti boıynsha, 7 832 964 jaǵdaı tirkeldi, 6 894 285 adam saýyqty, 218 345 adam qaıtys boldy.


Basty sózder: Reseı, Álemdegi koronavırýs,
Joǵary qaraı