Aýa raıy
Astana -15 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Saran qalasynda oqýshylar Elbasy týraly túsirilgen derekti fılmdi tamashalady

2020 jyldyń 1 jeltoqsan 2020 18:16

SARAN. QazAqparat – Qazaqstan Respýblıkasynyń Tuńǵysh Prezıdenti kúnin merekeleý qarsańynda Saran qalasynyń «№ 17 mektep-gımnazııasy» KMM-de bilim alýshylar, ata-analar men pedagogtar «Táýelsizdiktiń jeti qyry» atty derekti fılmder toptamasyn tamashalady.

Bul tsıkl Qazaqstan Respýblıkasynyń Tuńǵysh Prezıdenti, Ult Kóshbasshysy Nursultan Ábishuly Nazarbaevtyń respýblıkamyzdyń táýelsizdigin alý, qalyptastyrý jáne nyǵaıtýdaǵy róline arnalǵan, dep habarlaıdy QazAqparat tilshisi.

«Syn saǵat», «Uıymdasqan utady», «Parasatty sheshim», «Bir halyq, bir taǵdyr» jáne «Bolashaqqa bastar jol» derekti fılmderinde táýelsiz Qazaqstannyń qalyptasý jyldaryndaǵy qıyndyqtar, egemen eldiń jetistigi men bolashaǵy baıandalady.

Kóptegen ata-analar men muǵalimder úshin fılmdegi oqıǵalar olardyń jastyq shaǵyn eske túsirdi. Ár fılm onlaın rejımde talqylandy. Fılmdegi oqıǵalardyń kýágerleri kórgen-bilgenderi týraly aıtty. Oqýshylar Tuńǵysh Prezıdent kúnine arnalǵan synyp saǵattaryna fotosýretter, qabyrǵa gazetterin, otbasyndaǵy ata-ájeleriniń, ata-anasynyń estelikterin ákeldi.

«Sol kezeńde bizdiń halqymyz tap bolǵan qıyndyqtar fılmderde jaqsy kórsetilgen: jumyssyzdyq, tapshylyq, jappaı kóshi-qon, óndiristiń toqtaýy jáne t.b. taǵdyrdyń qalaýymen osy kúrdeli kezeńde Nursultan Ábishuly Nazarbaev bizdiń elimizdi basqardy. Sonaý 1989 jyly Qazaq KSR - niń basshysy bolǵan kezde, Keńes Odaǵy barǵan saıyn qıynshylyqtarǵa, anarhııaǵa jáne beıbereketsizdikke dýshar bolǵan kezde, N.Á.Nazarbaev Qazaqstannyń 16 mıllıon halqynyń bolashaqqa degen senimin oıaqtty», - deıdi ata-analar.

Fılmder toptamasyn tamashalaǵannan keıingi talqylaýlar barysynda jáne synyp saǵattarynda is-sharalarǵa qatysýshylar Ult Kóshbasshysy N.Á.Nazarbaevtyń táýelsizdikke qol jetkizýdegi jáne egemen Qazaqstannyń qalyptasýyndaǵy aıryqsha rólin taǵy da atap ótti.

Onyń basshylyǵymen jáne onyń tikeleı qatysýymen jas memlekettiń saıası, ekonomıkalyq jáne áleýmettik júıesi qalyptasty. 1990 jyldardyń basynda, qoǵamnyń barlyq salalaryndaǵy tereń daǵdarys dáýirinde ol halyqtyń bolashaqqa degen senimin aqtaı aldy. Álemdik tájirıbeni taldaý, óz halqynyń tarıhyn bilý jáne Qazaqstannyń bolashaǵyna degen kózqarasy N.Á.Nazarbaevqa qazaqstandyq memlekettiliktiń ózindik jáne biregeı modelin jasaýǵa, ınnovatsııalarǵa jol ashqan jáne sonymen birge qazaq halqynyń dástúrlerine adal bolýǵa múmkindik berdi.

«Qazaqstan Respýblıkasynyń Tuńǵysh Prezıdenti N.Á.Nazarbaevtyń ekologııalyq problemalardy sheshý, elordany Almatydan Astanaǵa kóshirý, «Qazaqstan halqy Assambleıasyn» qurý jáne t.b. jónindegi batyl sheshimderi bilim alýshylardyń erekshe nazaryn aýdardy. Búgingi kúni Ult Kóshbasshysy N.Á.Nazarbaevtyń ekologııalyq saıasaty eleýli nátıjeler berdi jáne Qazaqstan Respýblıkasynyń Prezıdenti Qasym-Jomart Toqaev ol bastamany odan ári jalǵastyrýda. Astanany ońtústikten soltústikke kóshirýge qarsy bolǵandardyń qarasy az emes edi. Biraq búgingi kúni biz bul sheshimniń Táýelsiz Qazaqstannyń damýy úshin zor mańyzy bolǵanyn kórip otyrmyz. Qazaqstan halqy Assambleıasynyń qurylýy Qazaqstan halqynyń kóp etnostyq jáne kóp konfessııalyq qurylymyn joǵary deńgeıde bekitti», - deıdi №17 mektep-gımnazııasynyń basshylyǵy.

«Táýelsizdiktiń jeti qyry» tsıkliniń orasan zor tárbıelik áleýeti bar jáne ol Qazaqstan Respýblıkasynyń bilim berý júıesiniń barlyq satylarynda oqytý men tárbıeleý protsesine belsendi túrde engizilýi tıis», dep sanaıdy mektep ujymy.


Joǵary qaraı