Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Saparhan Omarov kartop egistikteri boıynsha jumysy nashar óńirlerdi aıtty

2021 jyldyń 10 maýsym 2021 11:32

NUR-SULTAN. QazAqparat – Egis naýqanynyń qorytyndysy boıynsha qaraqumyq pen kartop alańdary ulǵaıtyldy. Bul týraly Úkimet otyrysynda Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Іshki naryqty azyq-túlik taýarlarymen tolyqtyrý jónindegi alǵa qoıylǵan mindetke sáıkes qaraqumyq, kartop, qant qyzylshasy sııaqty áleýmettik mańyzy bar daqyldardyń alańdaryn keńeıtý boıynsha naqty jumystar júrgizildi. Máselen, egis naýqanynyń qorytyndysy boıynsha qaraqumyq alańy 39 myń gektarǵa, kartop alańy 5,8 myń gektarǵa ulǵaıtyldy, qant qyzylshasynyń alańy ótken jyldyń deńgeıinen 1 myń gektarǵa artty», - dedi S. Omarov.

Onyń aıtýynsha, atalǵan daqyldar óndirisin ulǵaıtý ishki naryqty áleýmettik mańyzy bar aýyl sharýashylyǵy ónimderimen tolyqtyrýǵa jáne otandyq óńdeýshi kásiporyndardyń júktemesin arttyrýǵa yqpal etetin bolady.

«Bul rette, Qaraǵandy, Batys Qazaqstan jáne Almaty oblystary ákimdikteriniń qaraqumyq, al Qyzylorda jáne Shyǵys Qazaqstan oblystarynyń kartop boıynsha jumystarynyń tómen deńgeıde ekendigin atap ótemiz», - dedi mınıstr.

Budan buryn habarlanǵandaı, búgin Úkimet otyrysynda Premer-Mınıstr Asqar Mamın aýyl sharýashylyǵy salasyna qatysty birqatar tapsyrma berdi.



Joǵary qaraı