Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Saparhan Omarov agroónerkásiptik keshendi damytý maqsatyndaǵy mindetterdi atady

2021 jyldyń 2 naýryz 2021 09:13

NUR-SULTAN. QazAqparat – 2020 jyly aýyl sharýashylyǵy óniminiń kólemi 5,6 paıyzǵa artyp, 6,3 trln teńgeni qurady. Bul týraly Úkimet otyrysynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«2020 jyldyń qorytyndysy boıynsha agroónerkásiptik keshen salasynda is júzinde barlyq makrokórsetkishter boıynsha oń ósý serpini baıqalady. Jalpy, aýyl sharýashylyǵy óniminiń kólemi 5,6 paıyzǵa artyp, 6,3 trln teńgeni qurady. Bul Eýrazııalyq ekonomıkalyq odaq elderi arasyndaǵy eń úlken ósim. Bul rette, tamaq ónimderi óndirisi 4 paıyzǵa ósti», - dedi agroónerkásiptik keshendi damytýdyń negizgi baǵyttary jáne ınvestıtsııalyq jobalardyń iske asyrylýy týraly baıandaǵan mınıstr.

Onyń aıtýynsha, agroónerkásiptik keshendi odan ári damytý maqsatynda ishki naryqty 80 paıyzdan astam deńgeıde azyq-túlik taýarlarymen molyqtyrý; 1 mln aýyl turǵyndarynyń tabysyn turaqty arttyrý; eńbek ónimdiligin 2,5 esege arttyrý; óńdelgen ónim eksportyn 2 esege ulǵaıtý mindetteri qoıyldy:

«Іshki naryqty azyq-túlik taýarlarymen molyqtyrý jónindegi mindetti sheshý úshin mınıstrlik ımportyn qysqartý qajet pozıtsııalardy aıqyndady. Bular – qus eti, shujyq ónimderi, irimshik pen súzbe, alma, qant jáne balyq. Búgingi kúni aldaǵy úsh jylǵa arnalǵan baǵyttardyń árqaısysy boıynsha ınvestıtsııalyq jobalardyń naqty pýly aıqyndaldy», - dedi Saparhan Omarov.


Joǵary qaraı