Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sandyqtaý aýdanynda kópqabatty 3 turǵyn úı salynýda

2021 jyldyń 12 mamyr 2021 22:57

SANDYQTAÝ. QazAqparat - Sandyqtaý aýdanynyń ortalyǵy – Balkashın aýylynda 45 páterli jáne eki 36 páterli turǵyn úılerdiń qurylysy júrgizilýde, dep habarlaıdy QazAqparat tilshisi.

Aýdan ákimdiginiń baspasóz qyzmetiniń málimetinshe, qurylys jumystaryn merdiger «Qazbalyq-Astana» seriktestigi qolǵa alǵan.

«Ótken jyly oblystyq bıýdjetten 31 mıllıon teńge bólindi. Oǵan jer telimin óńdeý jáne nysannyń irge tasyn ornatý jumystary júrgizildi. Bólingen qarjy tolyq kólemde ıgerildi. Aǵymdaǵy jyly respýblıkalyq bıýdjetten 200 mıllıon teńge kóleminde qosymsha qarajat bólindi. Qazirgi ýaqytta jumystar qyzý júrip jatyr, ǵımarattyń qabyrǵalary kirpishten qalanýda», – dedi aýdan ákimdigi.

Sonymen birge, Balkashın aýylynda taǵy eki 36 páterli úıdiń qurylysy júrgizilýde. Qazirgi ýaqytta irgetastardy montajdaý jumystary qolǵa alynǵan. Nysandardy qarjylandyrý-respýblıkalyq jáne oblystyq bıýdjetter esebinen júzege asyrylýda.

Aıta keteıik, jyl basynan beri Sandyqtaý aýdanyndaǵy qurylys jumystarynyń kólemi shamamen 48,2 mıllıon teńgeni qurady.


Joǵary qaraı