Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sanaq-2021: Respondenttiń baspanasy qandaı materıaldan salynǵany ne úshin qajet

2021 jyldyń 15 qyrkúıek 2021 18:17

NUR-SULTAN. QazAqparat – Memleketke óz azamattarnyń qabyrǵasy qandaı materıaldan qalanǵan úıde turyp jatqanyn bilý ne úshin qajet? Ortalyq kommýnıkatsııalar qyzmetinde ótken brıfıngide Ulttyq statıstıka bıýrosynyń basshysy Nurbolat Aıdapkelovke osyndaı saýal koıyldy, dep habarlaıdy QazAqparat tilshisi.

«Jalpyulttyq halyq sanaǵy kezinde azamattardyń úı-jaıy týraly alynatyn málimet ary qaraı eldi mekenderdiń turǵyn úı qorynyń jaǵdaıyna saraptama jasaý úshin qajet bolady. Ras, sanaq anketasynda úıdiń qabyrǵasy neden turǵyzylǵan degen sııaqty suraqtar bar. Jalpy, BUU jarııalaǵan sanaq naýqanynyń resmı ataýy – «Halyq jáne turǵyn úı qory sanaǵy». Atalmysh sanaqtyń aıasynda naqty eldi-meken, aýdan, oblystyń, jalpy eldiń turǵyn úı qoryna ary qaraı saraptama júrgizý úshin tolyqqandy aqparat alý kózdelip otyr», - dedi Ulttyq staıtıska bıýrosynyń basshysy.

Sondaı-aq, ol osyndaı suraqtardyń aldyńǵy halyq sanaqtarda da qoıylǵanyn eske saldy.

«2021 jylǵy halyq sanaǵynyń qorytyndysy «Turǵyn úı qorynyń statıstıkalyq tizilimi» aqparattyq júıesindegi málimetterdiń ózektiligi men durystyǵyn taldaýǵa múmkindik beredi. Sondaı-aq, ákimshilik derekkózderde aqparattyń bolmaýy sebepti, turǵyn úıdi jańǵyrtylatyn energııa kózderi esebinen jylytý boıynsha da suraqtar qosyldy», - dep túsindiripdi Nurbolat Aıdapkelov.


Joǵary qaraı